Video
Read full review
2021-10-03
165 views
約朋友黎馬辣打邊爐，貪佢有兩個鐘頭時間任食，成人正價$168/位，不過我地食早場五點就黎左，七點半前埋單仲可以減十蚊，價錢真心抵到喊。湯底可以任選兩款，難得雙併都唔使加錢，我地揀左芫荽皮蛋鍋併馬拉沙嗲鍋，兩款湯底味道都唔錯，唔會越打越鹹。飲品方面有汽水，啤酒，咖啡等，仲有個熱水機可以沖茶包或者花茶。肉類有牛肉，豬肉同羊肉，牛都有幾款，好貼心咁標誌左唔同顏色係盒上面，試啱口味跟住顏色落單就得啦。較有驚喜係有羊肉片，好少放題嘅地方有。總括黎講啲肉都唔錯，有肉味又唔太肥，而且落單後好快送上。海鮮方面有鯇魚，白鱔片，蜆等，都幾新鮮無腥味。其他火鍋料就係自助區，丸、腸、響鈴、豆腐、豬紅等等，款式十分多。仲有個熟食區有幾款炒小菜，呢個新鮮出爐嘅椒鹽九肚魚勁香口，忍唔住encore左，仲有個蜜汁雞翼都好好味呀，點解打邊爐會有呢啲食。醬料方面又係無敵多選擇，最後要有芫荽、芹菜、麻醬、花椒油溝豉油，好香口點肉一流。是日蔬菜有娃娃菜，白菜仔同菜心，一桶桶方便拎。甜品有麵包布丁，軟綿綿好味。即整嘅朱古力香蕉班戟（必食），dreyer雪糕要叫店員拎嘅，唔想麻煩都有cocoberry嘅雪糕杯自助，另外仲有一個放
湯底可以任選兩款，難得雙併都唔使加錢，我地揀左芫荽皮蛋鍋併馬拉沙嗲鍋，兩款湯底味道都唔錯，唔會越打越鹹。
飲品方面有汽水，啤酒，咖啡等，仲有個熱水機可以沖茶包或者花茶。
肉類有牛肉，豬肉同羊肉，牛都有幾款，好貼心咁標誌左唔同顏色係盒上面，試啱口味跟住顏色落單就得啦。
較有驚喜係有羊肉片，好少放題嘅地方有。總括黎講啲肉都唔錯，有肉味又唔太肥，而且落單後好快送上。
海鮮方面有鯇魚，白鱔片，蜆等，都幾新鮮無腥味。
其他火鍋料就係自助區，丸、腸、響鈴、豆腐、豬紅等等，款式十分多。
仲有個熟食區有幾款炒小菜，呢個新鮮出爐嘅椒鹽九肚魚勁香口，忍唔住encore左，仲有個蜜汁雞翼都好好味呀，點解打邊爐會有呢啲食。
醬料方面又係無敵多選擇，最後要有芫荽、芹菜、麻醬、花椒油溝豉油，好香口點肉一流。
是日蔬菜有娃娃菜，白菜仔同菜心，一桶桶方便拎。
甜品有麵包布丁，軟綿綿好味。
即整嘅朱古力香蕉班戟（必食），dreyer雪糕要叫店員拎嘅，唔想麻煩都有cocoberry嘅雪糕杯自助，另外仲有一個放奶凍同涼粉嘅雪櫃，咁多款滿意啦。
價錢牌，呢個價位好抵食啦～
Post
