牛扒先生 (東港城) (Closed)

今日約左已移民所以一年先見一次既舊同學食晚飯。由於大家都咁超大食既關係，所以我地揀左黎呢間新開既牛扒先生食飯，貪佢有二百蚊有找可以食到main course、餐飲加任食自助頭盤甜品。先黎飲左個湯暖下個胃應該係南瓜忌廉湯，我加左d麵包粒同粟米，口感即刻提升。然後食左d cold cut同沙律以呢個價錢，款式都吾少有十幾款沙律同cold cut。食左兩轉，main course終於上枱。我揀左脆炸軟殼蟹野菌意大利飯，軟殼蟹唔會有油膱味，個飯淡左少少，野菌份量吾多。KO完Main course當然要食甜品。款式有十幾款，味道還可以啫喱糖吾夠味又太硬(應該落得太多魚膠粉)，豆腐花夠滑。餐飲係水果茶，幾好飲，最衰無得refill。是日semi buffet dinner menu如果d自助頭盤同甜品可以款款都清楚寫明名稱同埋放高少少會好d或入少少，因為放得太出又無遮無掩，感覺有點吾衛生。