蝦蝦燒

Open Now

Now Closed

呢間荃灣嘅流水蝦放題幾個月前第一次試，當時覺得好高質，有得玩又有得任食流水蝦，價錢都係300幾蚊，性價比幾高！入到餐廳，店員會教你點樣用夾喺每枱隔離嘅水缸夾蚊，d大頭蝦全部生生猛猛夾上水仲會係咁跳，所以一店員會教夾起左蝦之後放入冰水浸暈d蝦，咁燒嗰時就唔會咁麻煩😄 大頭蝦肉幾扎實，有某d蝦嘅蝦頭係爆膏，所以夾之前會睇下蝦頭係咪橙黃色，有嘅通常都唔會失望😏食左2 round蝦之後，就食出面嘅燒烤配料。出面有個海鮮專櫃，有10款款海鮮比你揀，其中我最推介大蜆同扇貝，大蜆好大粒燒完乜調味都唔洗落都勁鮮味，至於扇貝就加蒜茸牛油粉絲一齊燒，勁正😋😋😋 肉類同蔬菜方面都有好多選擇，大部分都串好哂一串串，就咁放上爐就燒得好方便！我今次差唔多每樣都有試，心水推介沙薑雞全翼同魷魚仔😌食到飽哂之後去自助吧拎各款雪糕雪條，用甜品作結好滿足！