Video
Read full review
2024-11-29
297 views
⭐️星海薈⭐️依間中菜響萬怡酒店入面，我已經係第二次幫襯㗎啦。因為我同屋企人都好鍾意食佢啲點心，好好食，裝修華麗，座位寬敞，坐得好舒服，好適合一家大細嚟飲茶。今次我哋叫咗唔少點心，全部都好滿意🥰下午茶💕優惠時段✨好抵食。有多款$16-$26嘅點心，小食$38，$68-$88米/河/飯類。第一樣就梗係要叫沙田必食: 乳鴿 🍗 乳鴿肉質鮮嫩多汁😋唔會好細隻，食落去都啖啖肉，個皮仲係脆嘅。新出嘅點心:蟹粉小籠包 🦀而家呢個時間，最啱食大閘蟹㗎啦，唔想咁麻煩，可以試下個蟹粉小籠包，賣相精緻，大粒過乒乓波，同樣都食到蟹粉嘅鮮味，而且入邊好多湯汁，食嘅時候記住要啜咗啲湯汁先呀🤤最鍾意食蝦🦐所以嗌咗鮮蝦餃，鮮蝦腐皮卷，蒜香長春卷，同埋仲有燒賣，同埋豉汁鳳爪，米皇布拉腸。鮮蝦餃🦐每粒都大粒飽滿，入邊塞滿晒蝦仁，皮薄餡大。鮮蝦腐皮卷🫔入邊都係包滿晒鮮蝦仁，真材實料，炸過嘅腐皮脆卜卜，好好食。蒜香長春卷🥙春卷皮即炸熱辣辣又脆，入邊呢又係塞滿晒蝦，真心覺得好好食。飲茶必食嘅蟹籽燒賣皇🥢size都係大粒足料好味。至於米皇布拉腸☕️唔好睇佢冇乜特別，佢呢一間做嘅腸粉真係又薄又滑，真心推介。每次飲茶都一定會食豉汁蒸鳳爪
因為我同屋企人都好鍾意食佢啲點心，好好食，裝修華麗，座位寬敞，坐得好舒服，好適合一家大細嚟飲茶。
今次我哋叫咗唔少點心，全部都好滿意🥰
下午茶💕優惠時段✨好抵食。有多款$16-$26嘅點心，小食$38，$68-$88米/河/飯類。
第一樣就梗係要叫沙田必食: 乳鴿 🍗
乳鴿肉質鮮嫩多汁😋唔會好細隻，食落去都啖啖肉，個皮仲係脆嘅。
新出嘅點心:蟹粉小籠包 🦀
而家呢個時間，最啱食大閘蟹㗎啦，唔想咁麻煩，可以試下個蟹粉小籠包，賣相精緻，大粒過乒乓波，同樣都食到蟹粉嘅鮮味，而且入邊好多湯汁，食嘅時候記住要啜咗啲湯汁先呀🤤
最鍾意食蝦🦐所以嗌咗鮮蝦餃，鮮蝦腐皮卷，蒜香長春卷，同埋仲有燒賣，同埋豉汁鳳爪，米皇布拉腸。
鮮蝦餃🦐每粒都大粒飽滿，入邊塞滿晒蝦仁，皮薄餡大。
鮮蝦腐皮卷🫔入邊都係包滿晒鮮蝦仁，真材實料，炸過嘅腐皮脆卜卜，好好食。
蒜香長春卷🥙春卷皮即炸熱辣辣又脆，入邊呢又係塞滿晒蝦，真心覺得好好食。
飲茶必食嘅蟹籽燒賣皇🥢size都係大粒足料好味。
至於米皇布拉腸☕️唔好睇佢冇乜特別，佢呢一間做嘅腸粉真係又薄又滑，真心推介。
每次飲茶都一定會食豉汁蒸鳳爪，個汁唔會死甜，好好食。
蔬菜方面，鮮茄濃湯浸白菜仔🥬普通嘅酒樓可能淨係普通烚下菜，但係呢度呢有鮮茄濃湯浸加埋車厘茄，酸酸甜甜，開胃得來又好健康。
最後甜品叫咗杞子桂花糕🍮本身好鍾意食桂花糕，呢度絕對唔係羅拔臣啫喱嗰個口感。
除咗飲茶之外呢，呢度嘅裝修華麗，好適合擺婚宴，百日宴，壽宴，家庭聚會，商務聚餐等等。
我見到做緊晚市優惠🌟
鐵板白胡椒煎焗澳洲龍蝦🦞 $488
紅燒煲仔翅 $248
招牌白胡椒蟹🦀$638
紅燒皇子乳鴿 $68
仲有鍾意食大閘蟹嘅🦀🌟有個星級大閘蟹套餐，每位$488(兩位起)
有啲app買卷有優惠，埋單會抵啲👍🏻
Post
