燒烤堂

Open Now

Now Closed

燒烤堂之前喺旺角食過，啲嘢食好食，價格又親民。所以一直都想再去。今晚喺中環，發現原來佢哋中環都有店。所以再嚟試埋上次未點嘅菜式。**浜燒日本活北寄貝**，貝肉鮮嫩，味道非常鮮甜。跟住嚟，**欖角蒜蓉粉絲燒蟶子**，蒜蓉香氣四溢，粉絲吸收咗蟶子的鮮味，真係好好味。**鹽燒三黃雞腿肉**（限量）嘅皮脆肉嫩，鹽味恰到好處，食完之後令人忍唔住想再叫多一份。至於**汁燒免治雞肉軟骨棒**，軟骨嘅口感配合流心蛋，真係好有驚喜！**鹽燒A4宮崎和牛**，肉質滑膩，入口即溶，絕對係肉食者嘅天堂。**厚切鹽燒牛舌拖羅**同樣唔可錯過，牛舌嘅香味令人陶醉。**紫蘇雞皮蝦**，紫蘇帶出咗獨特嘅清香，配上炸得香脆嘅雞皮，口感一流。**蒜蓉燒蠔**則係必點，蠔肉鮮甜多汁，搭配蒜蓉更添風味。**鹽燒白鱔**同**日式燒白鱔**，兩者各有千秋，白鱔肉質細膩，配合不同嘅燒法，味道都好出色。最後，**焦糖鰻魚芝士玉子燒**，甜中帶鹹，口感豐富。**豚肉節瓜波板糖**同**麻辣翠玉瓜**都係好清新嘅選擇，食咗之後唔會覺得太膩。飲品方面，**啤酒**同**乳酸特飲**都係好搭配串燒，令整個餐點更加圓滿。