郭仔記車仔麵

Open Now

Now Closed

有讀者想我寫吓食晏嘅嘢，點知我一邊行路一邊打稿嘅情況下，行咗去上環嗰邊，希望嗰位讀者唔好怪我。以前細個成日笑陶傑去到邊都喺度寫稿，估唔到大個咗之後我都要過呢啲生活，所以話世事嘅嘢真係好無常。行到呢頭望到間嘢覺得熟口熟面，不過唔理啦入咗去先。叫咗個「招牌炒蛋及芝士汁撈公仔麵」，四揀一嘅餸我揀咗「雞扒」，份餐食落比較一般，個芝士汁我覺得冇另一間出名芝士撈麵嘅冰室咁正，成件事有啲平庸。配菜我加  轉咗「芝士炒蛋」，可惜嘅係，佢冇另上，就咁放喺個麵嘅面頭。加埋杯普通嘅「熱奶茶」，為讀者同餐廳著想，我係有二訪到佢嘅。