竹八日本料理 (Closed)

今日約咗朋友食日本菜，本來去試另一間日本餐廳，不過full晒，所以去咗竹八。不過亦無損失，因為竹八平靚正，而且又容易有位。12:00book 12:30都無問題，12:40到得三枱有人，1:15走都仲有吉枱。 竹八有好多lunch set，其中我最鍾意二重揍餐，有沙律、蒸蛋、兩樣主食(今次我揀咗鰻魚飯、吞拿魚腩蓉飯，朋友揀咗切角魚生粒飯、油甘魚飯)、咖啡。沙律 - 有菜、蕃茄，不過太涷，d菜雪到有d結冰蒸蛋 - 入面有白果、日式魚蛋、冬菇，好滑、暖暖地，好好味鰻魚飯 - 鰻魚燒到暖暖地，個汁甜甜地再加紫菜絲，好正吞拿魚腩蓉飯 - 今日個味淡d，不過好新鮮切角魚生粒飯 - 主要有吞拿魚、三文魚、油甘魚、青瓜、蟹子，細細粒，ok新鮮油甘魚飯 - 有五片，新鮮!咖啡 - 個size好似一杯espresso，有拖肥味架! (其實可以楝雪糕，不過好飽食唔落，所以楝咗 咖啡)Services唔錯，自動加水、收野。