Video
Read full review
2021-01-12
792 views
朋友話佢媽媽喺觀塘返工，lunch好多時都係去食呢間Ben哥米線。今日我又去開觀塘，自己一個食又冇乜想食，一於就去試下呢間Ben哥米線啦。呢間米線店嘅座位比我想像中多，地方又幾闊落，唔錯唔錯。呢到係自己寫紙落單嘅，可以揀湯底、配料、辣度，仲有得揀走肉碎、走蔥、走芽菜、走韭菜嗰啲，又有得揀加底/三分一米線/一半米線。幾乎平時落單嗰陣可以諗到嘅要求都有得自己喺張紙都剔返，好方便。我揀左一份五式雞翼做小食，咁既然已經有五隻雞翼食，米線嘅配料我就揀左生菜，唔再揀肉啦。五式雞翼 $38我本身淨係諗住食三隻雞翼嘅，但見到呢到有五款雞翼可以揀，選擇困難嘅我乜都好想食，都唔知點揀好。好彩我突然見到原來有個五式雞翼可以揀，係有齊曬五款雞翼嘅，咁我就乜都可以試下啦。佢每款雞翼都有一隻，有Ben哥烤雞翼、柚子雞翼、黑糖薑母雞翼、蜜糖黑椒雞翼同埋麻辣雞翼。每款雞翼嘅味道都好出，一食就知自己食緊邊款。每隻雞翼嘅外皮都烤得好脆，入面啲肉又滑，好食。我覺得最正係蜜糖黑椒雞翼，成個味道最夾，好似食緊蜜糖黑椒薯仔牛柳粒咁，不過變左好食嘅烤雞翼咁。時令藥膳麻辣湯底五穀米線 $32（生菜 +$7）呢個湯底好少見，第一次見藥
呢間米線店嘅座位比我想像中多，地方又幾闊落，唔錯唔錯。
呢到係自己寫紙落單嘅，可以揀湯底、配料、辣度，仲有得揀走肉碎、走蔥、走芽菜、走韭菜嗰啲，又有得揀加底/三分一米線/一半米線。幾乎平時落單嗰陣可以諗到嘅要求都有得自己喺張紙都剔返，好方便。
我揀左一份五式雞翼做小食，咁既然已經有五隻雞翼食，米線嘅配料我就揀左生菜，唔再揀肉啦。
五式雞翼 $38
我本身淨係諗住食三隻雞翼嘅，但見到呢到有五款雞翼可以揀，選擇困難嘅我乜都好想食，都唔知點揀好。好彩我突然見到原來有個五式雞翼可以揀，係有齊曬五款雞翼嘅，咁我就乜都可以試下啦。佢每款雞翼都有一隻，有Ben哥烤雞翼、柚子雞翼、黑糖薑母雞翼、蜜糖黑椒雞翼同埋麻辣雞翼。每款雞翼嘅味道都好出，一食就知自己食緊邊款。每隻雞翼嘅外皮都烤得好脆，入面啲肉又滑，好食。我覺得最正係蜜糖黑椒雞翼，成個味道最夾，好似食緊蜜糖黑椒薯仔牛柳粒咁，不過變左好食嘅烤雞翼咁。
時令藥膳麻辣湯底五穀米線 $32（生菜 +$7）
呢個湯底好少見，第一次見藥膳湯底可以麻辣，所以就揀左呢個啦。我揀左中辣。呢個湯底甜甜地，辣辣地，都幾好食。不過因為我揀左中辣，所以表面有比較多紅油，如果想食健康啲就最好唔好揀太辣啦。可以揀五穀米線或者米線，我見五穀米線好似幾特別咁，所以就揀左呢個試下啦。食落其實同米線差唔多，但colourful啲開心啲。生菜份量都唔少。
呢間米線都真係幾唔錯，難怪朋友嘅媽媽成日食。我
Post
