多毛

Open Now

Now Closed

同朋友揀咗呢一間好評好多嘅貓Cafe「多毛」。呢到嘅環境真係好靚，相信呢到嘅貓貓都住得相當舒服！所以隻隻都好痴人😍🥰除咗貓貓好親近人之外，環境我覺得都算乾淨企理仲有啲設計風格，打卡嘅話都幾靚㗎。連食物我都覺得算幾高質😋🎀車打芝士肉醬薯條配濃厚芝士醬🎀叫咗呢一款小食，一睇到就知係肥仔嘢，但係肥得嚟好食唔理咁多！薯條好香脆，車打芝士真係好濃郁，再加埋濃郁嘅芝士醬係雙重嘅芝士味道！🎀炙燒原條鰻魚炒滑蛋漢堡配炸薯角🎀平時都唔算好鍾意食漢堡，不過見到呢一個鰻魚漢堡好吸引就忍唔住叫，鰻魚真係呢一個漢堡嘅主角，燒得啱啱好又入味，鰻魚仲要冇乜骨同埋夠晒肥美。🎀士多啤梨牛角包窩夫配雪糕🎀士多啤梨牛角包窩夫都好鍾意食，士多啤梨酸酸甜甜，再點埋雪糕連埋牛角包窩夫一齊食，口感味道都非常滿足！