Video
Read full review
2016-02-15
1927 views
都有兩年無約過朋友仔去high tea，適逢生日，朋友又好有雅興想high tea下，就話不如生日請我high tea啦！ 上openrice睇到呢度啲食評，話望住個獅子山咁好似好正，朋友黎訂，可能因為痴住左情人節，佢話full booking喎，只可以喺房，而且仲要親身去比訂金$100，咁朋友都照訂，但無諗過間房咁黑，而且張枱又咁窄，環境又咁焗促... 正門望去真係大大個落地玻璃，好光猛 可惜我地要屈喺間細房仔，又黑又細既空間放5張枱... anyway都黎到，照試下啦。餐牌轉左，加左少少價（比起之前係Openrice見到食評D價錢），有個新theme，好似專為女仔而設咁 不過比起以往中環試過既tea set，呢度啲餐具就太茶樓啦... 個set都幾有心思既，好貼合佢個主題：甜蜜女皇下午茶。 由下層開始食起：有牛油果酥皮、炸去骨雞翼、煙三文魚迷你麥包、炸龍蝦丸牛油果酥皮，口感清新鬆脆 炸去骨雞翼就比較平平無奇。熱食通常都有三文魚，呢度既煙三文魚迷你麥包都不過不失啦。炸龍蝦丸就麻麻啦，好似炸左好耐咁... 鬆餅都OK，有cream cheese同jam配搭。中層
上openrice睇到呢度啲食評，話望住個獅子山咁好似好正，朋友黎訂，可能因為痴住左情人節，佢話full booking喎，只可以喺房，而且仲要親身去比訂金$100，咁朋友都照訂，但無諗過間房咁黑，而且張枱又咁窄，環境又咁焗促...
正門望去真係大大個落地玻璃，好光猛
可惜我地要屈喺間細房仔，又黑又細既空間放5張枱...
anyway都黎到，照試下啦。餐牌轉左，加左少少價（比起之前係Openrice見到食評D價錢），有個新theme，好似專為女仔而設咁
不過比起以往中環試過既tea set，呢度啲餐具就太茶樓啦...
個set都幾有心思既，好貼合佢個主題：甜蜜女皇下午茶。
由下層開始食起：有牛油果酥皮、炸去骨雞翼、煙三文魚迷你麥包、炸龍蝦丸牛油果酥皮，口感清新鬆脆
炸去骨雞翼就比較平平無奇。
熱食通常都有三文魚，呢度既煙三文魚迷你麥包都不過不失啦。
炸龍蝦丸就麻麻啦，好似炸左好耐咁...
鬆餅都OK，有cream cheese同jam配搭。
中層有：青瓜蟹肉沙律、開心果櫻桃撻、開心果草莓mousse cake、薄荷白朱古力慕絲、羊奶芝士多士。青瓜蟹肉沙律，青瓜下面係白方包... 我見到真係有啲呆左...
開心果櫻桃撻就有驚喜，佢唔係用真櫻桃，而係整得好似，酸酸甜甜都幾好味。
開心果草莓mousse cake上面果塊朱古力超級甜...或者只作裝飾用...
薄荷白朱古力慕絲因為有薄荷，我個人唔鍾意，評就唔作準，但佢個HAHAHA牌子都係超級甜。
羊奶芝士多士，無乜特別感覺
上層有：草莓白朱古力唇膏、朱古力波板糖、玫瑰粉紅香檳果凍、紅桃泡芙、棉花糖伴草莓白朱古力醬草莓白朱古力唇膏，見到果時真係覺得唔係食得既，不過好多枱都問侍應食唔食得架？侍應話係白朱古力黎既，可以食，但個唇膏蓋就唔可以帶走，其實正常人地都唔會攞既... anyway，我見到個外形咁，係幾有創意既，但感覺好似食唇膏咁，自己唔係幾接受到囉...
朱古力波板糖同個唇膏一樣咁甜，都只係淺嘗無食晒。
玫瑰粉紅香檳果凍就幾好，清清地。
棉花糖伴草莓白朱古力醬，真係太甜啦...
其實去過咁多次high tea，個環境真係好重要，可能我地訂得遲，我唔介意唔係坐出廳，但間房黑麻麻，又迫又窄，一啲都唔relax， 樓底又矮，無半點背景音樂，加上食物質素一般，但要付出酒店價錢，下次寧願再比多少少去返四季，只少我成盤食物都覺得好味，環境又舒適優雅，真正relax同埋可以同朋友仔傾偈，呢度應該唔會再黎了。
Post
