Video
Read full review
2018-11-07
185 views
由北角站B4出口，走入呢條巷弄，唔難發掘到或大或小既餐廳，而每一間或者都會比到你驚喜。今晚係紀念日，我地黎到呢間裝修型格，燈光昏暗有浪漫情調既餐廳去慶祝。店舖唔大，但充滿性格，行意大利小餐館既風格，牆上貼滿相，餐具一排排咁放好，仲每枱都有一隻杯裝住燈泡。當時六點鐘，餐廳冇乜人，但去到七點左右舖裡舖外都坐滿人，足以證明餐廳的質素。餐牌選擇都幾多，而且唔會行貨。今晚我地點左幾樣佢地既推介。先黎既係前菜 - 煙燻鮮蟹肉玉子燒上碟時店員連埋個膠蓋比我地話一分鐘後先拎起，所以我地好乖咁等左一分鐘。打開後有一陣煙飄出黎，類似乾冰既效果幾𥄫睛。蟹肉感覺新鮮甜美，玉子燒食落熱熱地一層層咁似係日本壽司店食到果種，煙燻既味道加落岩岩好熟成既玉子上面好夾無幾耐之後就上左 - 新鮮檸皮炸雞翼一上菜就已經聞到好清新既檸檬香味，呢道菜特別在於佢唔係好似坊間咁額外點檸檬醬去將佢變成檸檬味雞翼，而係真係用左檸檬皮去醃隻雞翼，令到食落啲雞肉係有檸檬香重頭戲 - 原板海膽配黑松露蟹膏意大利飯每樣食材先試一口，都已經食到佢地既鮮甜海產味，再按店員講既方法將黑松露，risotto同蟹膏撈勻，用紫菜包住一匙飯上面舖上海膽，呢個
今晚係紀念日，我地黎到呢間裝修型格，燈光昏暗有浪漫情調既餐廳去慶祝。
店舖唔大，但充滿性格，行意大利小餐館既風格，牆上貼滿相，餐具一排排咁放好，仲每枱都有一隻杯裝住燈泡。
當時六點鐘，餐廳冇乜人，但去到七點左右舖裡舖外都坐滿人，足以證明餐廳的質素。
餐牌選擇都幾多，而且唔會行貨。今晚我地點左幾樣佢地既推介。
先黎既係前菜 - 煙燻鮮蟹肉玉子燒
上碟時店員連埋個膠蓋比我地話一分鐘後先拎起，所以我地好乖咁等左一分鐘。打開後有一陣煙飄出黎，類似乾冰既效果幾𥄫睛。
蟹肉感覺新鮮甜美，玉子燒食落熱熱地一層層咁似係日本壽司店食到果種，煙燻既味道加落岩岩好熟成既玉子上面好夾
無幾耐之後就上左 - 新鮮檸皮炸雞翼一上菜就已經聞到好清新既檸檬香味，呢道菜特別在於佢唔係好似坊間咁額外點檸檬醬去將佢變成檸檬味雞翼，而係真係用左檸檬皮去醃隻雞翼，令到食落啲雞肉係有檸檬香
重頭戲 - 原板海膽配黑松露蟹膏意大利飯
每樣食材先試一口，都已經食到佢地既鮮甜海產味，再按店員講既方法將黑松露，risotto同蟹膏撈勻，用紫菜包住一匙飯上面舖上海膽，呢個應該係我食過最出色既risotto
廚師利用左本身食物最原始天然既味道加落飯度，而唔係用一大堆醬汁加落去呢個做法好聰明。另外飯都煮得軟硬適中
燒美國豬鞍配新鮮薯角及沙律
上菜時店員好貼心咁提醒我地要食左呢道菜先因為凍左啲豬會變un。呢道菜又係無乜靠醬汁去加味，變相我地會食到食材天然既味。豬岩岩燒起夠哂熱，軟硬適中，肉冇羶味，肉汁仲鎖得好好。薯角果然係新鮮，唔會食到街外薯角既粉狀。
Fruit tea略甜，因為水蜜桃味好重，如果真係有新鮮生果係裡面就好喇
可惜今晚未必食到tiramisu因為只有cheese cake，希望餐廳可以考慮整個甜品menu比客人選擇啦！
Post
