翁記上海館 (Closed)

響一條十分平凡嘅巷內，有一間上海菜館。今日一個人胃口不大，眼見菜單上面嘅酸辣粉非常吸引，於是放棄左小籠包，改選京醬前蹄，配酸辣粉（需加12蚊），總共56蚊。現時咁熱嘅天氣，一碗火辣嘅酸辣粉，再配上一碟冷盤嘅京醬前蹄，一凍一熱，一辣一甜嘅味道交錯，簡直刺激味蕾。而且做樓面嘅幾位叔叔好人，阿姨都人好好。一個人嚟食完全無壓力。好舒服！因為下午12:30後呢度附近都非常多學生，所以我趁佢地殺到時已經立刻離場。