K-Palace

Open Now

Now Closed

琴日帶咗媽媽去食黃埔新開嘅間韓國餐廳，佢哋有媽咪最鍾意食嘅五花肉，所以我哋一於叫咗個五花肉套餐，同埋泡菜豬肉豆腐煲 (我嘅至愛)。五花肉套餐嘅配菜有好多，好豐富呀，而且五花肉係薄切嘅，食多咗都唔會覺得好肥🤤 原本淨係燒五花肉諗住配生菜食，點知老闆見到就過嚟幫我哋啦。原來係要將所有嘅配菜都放喺鐵板上面燒先得㗎，燒完之後就將五花肉加埋熟左配菜包住生菜一齊食，咁樣食又真係好味啲喎🤤🤤另外個泡菜豬肉湯都非常濃郁，好好飲呀，啲豬肉吸收晒泡菜嘅味道，仲有豆腐，用泡菜湯配埋啲白飯真係好正😋😋媽咪話下次整返嚟再食！