CoCo壹番屋 (Closed)

是夜係觀塘工廈玩過war game以後，已經又攰又餓，黎到CoCo壹番屋又排晒長龍，如果唔係大家都想食，wo真係唔會係咁既狀態下等成半粒鐘食一餐飯呀其實大多數人黎到都會點炸豬扒同炸雞既，不過呢排皮膚有d差，所以就試左個蜆肉番茄奄列咖喱飯。而又因為太肚餓既關係，所以加左$25要個全餐，有是日餐湯、沙律、蘋果汁同雪糕。湯係煙肉洋蔥湯，油係多左少少，但總算不過不失；沙律係至愛，又健康，芝麻醬好好食啊，令到小妹隔天就到了某大supermarket買左支芝麻醬返屋企撈生菜，足足食左兩個星期，終於厭左…蜆肉番茄奄列咖喱飯，咖喱汁多到好似湯咁，由於小妹好鍾意食辣，所以點了中辣。呢個飯抵讚既地方好多，首先蛋好滑啊，而且蜆肉不少，加上番茄酸酸地，感覺好fresh。不過，日式咖喱始終係日式咖喱，係唔會好似泰式咖哩同印度咖哩咁多香料同惹味既。飲品可選擇的除了coffe or tea，仲有juice，所以選了蘋果汁，唔好妄想係鮮榨既，果汁先生都唔錯架喇~~~雪糕係曲奇同士多啤梨味，仲有幾粒鮮果啦，今次真係好飽呀。可能實在太多人客又或太多人點雪糕，原本想要朱古力味都賣光喇，而服務員也沒有太多時間理會我們，連埋單