咖喱物語 (Closed)

之前已經想試下呢間咖哩，但係見佢個餐牌既咖哩飯都要成$50-60一個，所以冇食到。今次唔理價錢，試下先算。三個女仔坐到梳化位，成間餐廳都可以睇到哂。佢有唔同色既咖哩，所以特別叫左個蛋包飯(紫色+黑咖哩)，紫咖哩其實冇咩咖哩味，反而黑咖哩有番少少辣味。另外再叫咖哩雞麵包(麵包好硬，但係食落又唔算硬)、咖哩牛肉石頭飯(後加咖哩汁，唔算好有咖哩味)、煎鯖魚(好細件，唔太香)、夏日戀曲(少少酒精的cocktail)，三個女仔都食到好飽，但係d咖哩唔算話太香，同日本正宗個d始終差d。