榮家糕點烘培店 (Closed)

同朋友去深水埗買模型，買完行過呢間糕點烘培店，朋友比佢啲五顏六色嘅砵仔糕，吸引視線而停步。由於她是甜品控，所以當然唔會錯過。 除了想食冰鎮砵仔糕，她又想試黃金拔絲蛋糕，即時說請我食甜點。 冰鎮砵仔糕有好多款口味，她選了菠蘿 (黃色)，荔枝 (白色)，青蘋果 (青色)，水蜜桃 (深黃色)。再選了黃金拔絲蛋糕，芝士 (淺黃色)，朱古力 (啡色)，鹹蛋黃 (金黃色)。冰鎮砵仔糕口感,有啲似細個食果啲大菜糕蛋，反而唔似砵仔糕。除左顏色唔同，加咗少少唔同水果香味，基本上味道差不多。唔太甜，冰冰凍凍，天熱食真係唔錯。細細件拔絲蛋糕唔太甜，甜味剛好，蛋糕搣開有拉絲效果，好特別。鹹蛋黃味道最突出，好香而口感鬆軟 朱古力同芝士中規中矩。 由於我唔會鍾意食太甜嘅甜點，所以反而我好滿意。