牛元帥粉麵

Open Now

Now Closed

九龍城呢間牛元帥，門面細細，唔係好起眼，入面更加感覺草根，但原來五香牛腩類做得好出色！粉麵類徘徊喺$20幾至$30幾之間，定價合理。我要左碗牛三寶河粉（$34）。牛三寶包括牛腩、牛肚同牛筋，潮式湯底，味道夠濃厚。牛三寶係五香style，同濃濃嘅湯底好夾。三種牛寶之中，牛筋夠膠質、牛腩半肥瘦，入口即融，牛味又夠濃，牛肚鹵得入味，價錢又抵，唯一要改進嘅就係河粉，太碎了，亦唔夠滑。老婆食手打牛丸銀針粉（$30）佢真係好鍾意食銀針粉多過河粉、米粉等，貪佢一條條滑嘟嘟，而且湯頭夠熱，份量亦足。牛丸一咬就知唔係敷衍之流，夠juicy亦夠彈牙，佢話坊間已經冇乜幾多間好食嘅牛丸店了！