丼瀛 (Closed)

早幾日等朋友收工，收咗工之後喺附近食嘢，去咗依間日本餐廳叫咗個天龍卷，溫室蕃茄豆腐沙律配胡麻醬，另外仲叫咗五點刺身盛😜天龍卷類似係天婦羅蝦卷，出面用咗燒過嘅三文魚包住，再加啲三文魚子喺上面，味道一流，好有口感🤗溫室蕃茄豆腐沙律配胡麻醬，由於小編想食啲沙律，所以就叫咗一個試吓，豆腐好滑再配上胡麻醬同雜菜，好開胃😉五點刺身盛，當中包括油甘魚，三文魚腩，帶子，赤蝦，另外仲有飛機魚刺身，刺身好肥美，好新鮮！