鳴 Fusion (Closed)

放假去接女朋友放工行街街，行到去亞士厘道，心血來潮想食放題，就行下行下睇下邊度有行食，結果就俾我地搵到呢間嗚Fusion^_^話明放題，刺身當然唔少得，三文魚生好新鮮，鮑片鮮甜味美，榮螺juicy得黎又有咬口，成盤刺身好有質素大家估唔估到呢碟係乜東東呢？呢碟其實係麻醬波菜，估唔到佢地既味道係咁夾嗚Fusion係有啤酒飲既，呢味炸雞軟骨配啤酒無得頂！呢道天婦羅既種類都唔少，有蝦，南瓜，蕃薯，香蕉等等.......大家有無試過食放題既蒜香牛肉粒硬到咬唔到，嗚Fusion既蒜香牛肉粒不但肉質鮮美，而且非常鬆軟，令我好少食放題會encore呢味蒜香牛肉粒炒雜菜看似毫𣎴起眼，呢道既炒雜菜十分惹味，絕對值得一試鐵板煎青口絕對係主打要食既餸，青口唔會煎到好乾，食既時候依然食到青口既鮮味，外脆內軟，口味無窮另一個主打要食既就係煎牛脷，牛脷肉質好淰，但岀面又煎到脆脆的，口感好正係尖沙咀如果要食放題，我一定會再去嗚Fusion！