SAVVY

今日朋友帶咗我去海港城食brunch buffet，估唔到嗰度有間餐廳Savvy亞洲特色餐廳入面好大好靚同酒店buffet有得fight😎沙律菜好新鮮🥗雖然海鮮唔太多，但係龍蝦都幾多膏同埋肉彈牙，另外仲有唔同嘅沙律冷盤都幾有亞洲特色。熱食有唔同嘅嘢揀，燒牛肉都幾好食不過有少少老，仲有沙嗲串燒。另外因為有印度廚師去煮，所以佢嘅butter chicken同beef curry都煮得幾好食，配上脆口嘅naan好夾🍖最特別係有雪糕車，見到好多小朋友都爭住要食🤣佢係會有抹茶雪條，跟住俾你揀可以放唔同嘅配料上去🍦我就比較貪心，朱古力、花生、七彩糖針我全部都要，食落都幾好食。