五行 (Closed)

亞sir請食晏，叫我揾間唔好咁多人要等位嗰啲，咁我就揾咗位於ifc呢間五行拉麵喇，我早少少去揾位，等咗一陣就有位喇😁我地一行6人就坐吧枱，先睇睇餐牌，都幾多選擇，再睇下其他客人食咩，我揀到喇，就係此店嘅招牌麵-五行焦香味噌拉麵，亞sir話之前食過，會比較油喎，但我都係想試下上菜時賣相吸引，黑色碗黑色湯（油）加上彩色配料，感覺高雅，未放入口已經加分。首先飲一啖湯，味道非常濃郁，據說黑色油係幾種味噌加洋蔥、蒜，肉碎大火爆炒而嚟，需然唔係好健康，但的確非常香濃，湯頭好有焦香鑊氣味，在香港拉麵店未有試過這味道。叉燒半肥瘦，未至於入口融化，但都好滑，味玉幾入味👍，我跟餐加咗吞拿卷，吞拿鮮滑加上蔥花真係好好食！由於有人好大食話唔夠飽😂😂😂於是叫多6件贅沢卷，我都唔執輸食番件😂😂，海膽無怪味，好鮮甜，搭上三文魚子同吞拿蓉，加上醋飯，一齊放入口，簡直覺得條脷都開心到跳舞🤣🤣，非常滿足嘅一個下午💗