Texas Burger (Closed)

20190925星期三晚7點鐘黎到Walk in，唔洗等位。餐廳係朗豪坊頂層，交通方便而且乾淨。我地兩個人就坐左四人位，食到一半人開始多都冇叫我地還返兩個位出黎，所以都闊落好坐。德州燒烤牛肉漢堡 $88漢堡嘅煙肉做得好脆口好食，另外麵包都做得脆口得黎而唔硬。不過如果牛肉可以處理得多汁啲就更好。墨西哥芝士軟餅(軟皮，豬同魚) $88豬肉哥件有跟牛油果莎莎醬，汁醬味道唔錯，可惜係豬肉有少少鞋口。魚肉哥件除左一樣嘅牛油果莎莎醬，另外重有芝士。魚肉本身係炸魚，冇油益味好清爽。金黃咸蛋黃薯條配雜莓酸甜醬 $58蛋黃醬唔係化學味，薄薄一層唔會太咸口。酸甜醬唔甜岩岩好，令成份薯條清新左。冰鎮朱古力蛋糕新地 $68實物黎到連埋乾冰上，係餐牌上面冇嘅，黎到嚇親左少少。Bownie唔會死甜而且有朱古力味，咬落去脆身。新地都食到奶味。依個價錢有得食有得睇都唔錯。最後埋單當然有加一。