Video
Read full review
2021-12-03
401 views
經過金馬倫道嘅時候，無意中見到呢一間主打和牛嘅餐廳，見呢排個人頹頹地，諗住食餐好嘅🤫就碰吓運氣睇吓有冇位。店員表示，如果唔介意坐吧枱位置，兩位都係有位嘅。咁我哋就即刻入咗去喇。餐廳係黑色做主調，其實感覺都同日本嘅燒肉店有啲似。Tasting menu $888/位（2位起）✨和牛沙律燒過嘅和牛片，牛油脂味香濃有咬口。爽脆嘅沙律菜配胡麻醬，清新開胃。✨和牛紫蘇天婦羅薄薄嘅天婦羅炸漿包住紫蘇葉同埋和牛粒，外脆內軟之餘，紫蘇葉減低咗和牛嘅油膩感。 ✨和牛鵝肝三文治烤脆咗嘅麵包包住吉列和牛同埋鵝肝。脆！軟腍！脆！軟腍。口感非常之豐富，和牛同埋鵝肝嘅油香喺口入邊爆發出嚟。✨話梅小蕃茄餐廳安排呢個微酸帶甜嘅小蕃茄嚟清一清味蕾，再好好享受嚟緊嘅烤肉。✨和牛拼盤 薄燒 - 由店主代燒，怕火嘅要退後兩步😂大火之下燒幾秒就食得，夾蛋漿炸蒜片蔥花，味道豐富。另外仲有夾口彈牙嘅牛舌，西冷、肉眼、牛三角油脂分布得好平均，烤過後香口，牛油油脂超香。✨和牛｜櫻花蝦｜舞茸釜飯 & 麵豉湯釜飯飯底有少少飯焦，配上半熟和牛片同櫻花蝦。香口惹味又飽肚。麵豉湯唔會死感，用料又足👍🏻✨士多啤梨🍓牛奶布甸最後甜品係清新嘅士多啤梨
經過金馬倫道嘅時候，無意中見到呢一間主打和牛嘅餐廳，見呢排個人頹頹地，諗住食餐好嘅🤫就碰吓運氣睇吓有冇位。
店員表示，如果唔介意坐吧枱位置，兩位都係有位嘅。咁我哋就即刻入咗去喇。
餐廳係黑色做主調，其實感覺都同日本嘅燒肉店有啲似。
Tasting menu $888/位（2位起）
✨和牛沙律
燒過嘅和牛片，牛油脂味香濃有咬口。爽脆嘅沙律菜配胡麻醬，清新開胃。
✨和牛紫蘇天婦羅
薄薄嘅天婦羅炸漿包住紫蘇葉同埋和牛粒，外脆內軟之餘，紫蘇葉減低咗和牛嘅油膩感。
✨和牛鵝肝三文治
烤脆咗嘅麵包包住吉列和牛同埋鵝肝。
脆！軟腍！脆！軟腍。口感非常之豐富，和牛同埋鵝肝嘅油香喺口入邊爆發出嚟。
和牛鵝肝三文治
2 views
0 likes
0 comments
和牛鵝肝三文治
3 views
0 likes
0 comments
✨話梅小蕃茄
餐廳安排呢個微酸帶甜嘅小蕃茄嚟清一清味蕾，再好好享受嚟緊嘅烤肉。
✨和牛拼盤
薄燒 - 由店主代燒，怕火嘅要退後兩步😂大火之下燒幾秒就食得，夾蛋漿炸蒜片蔥花，味道豐富。
另外仲有夾口彈牙嘅牛舌，西冷、肉眼、牛三角油脂分布得好平均，烤過後香口，牛油油脂超香。
✨和牛｜櫻花蝦｜舞茸釜飯 & 麵豉湯
釜飯飯底有少少飯焦，配上半熟和牛片同櫻花蝦。香口惹味又飽肚。麵豉湯唔會死感，用料又足👍🏻
✨士多啤梨🍓牛奶布甸
最後甜品係清新嘅士多啤梨。完全可以解到食完和牛嘅油膩，最後再配一杯牛奶布丁，微甜重奶香，為今日嘅和牛餐劃上完美嘅句號。
Other Info. :
想讚一讚佢哋嘅店員，會好細心咁樣解釋每一款嘅食法同次序。
(The above review is the personal opinion of a user which does not represent OpenRice's point of view.)
Post
