稻庭養助

Open Now

Now Closed

Item: Inaniwa Yosuke
Rating: 4
Author: 5OC110

Inaniwa Yosuke

140 Reviews

Taste

Decor

Service

Hygiene

Value

17966

Hung Hom

$201-400

Japanese Sushi/Sashimi Udon

5OC110

Level4

246

又來到紅磡揾食囉～因為家人要食自己，所以就同佢一齊共晉晚餐順便試新餐廳！家人話呢間餐廳想食好耐，但係因為太多人既緣故一直都未有緣食到所以話呢做人真係要有計劃！因為決定左食呢餐廳，所以tea time都食少左野，早d 落去等位。真係非常有決心啊～六點幾先去到餐廳，已經要排隊啦！！！！餐廳入面已經full 左做緊第一輪晚市既生意見到呢個咁虛陷既場面真係估佢唔到呀！！！好彩兩個人食飯都算易等位，拎住九號等左差唔多四個字就入到去啦呢d 天氣咁鬼熱，餐廳foyer 位又細，真係企耐d 都唔得掂呀被安排坐bar 檯，非常好啊可以近距離望住c fu 們工作。很喜歡呢個距離今晚因為只有兩個人食飯，所以都唔係叫左太多野食，分別係鰹魚沙律、碎蔥呑拿魚丼同埋蕃茄野菇稻庭烏冬！準備食物都需時，岩岩又係出面企到咁熱，叫返杯林檎汁飲下先啦！我相信呢度既apple juice 都係買返黎，唔會係自製，所以唔介紹啦，直入主題吧！我叫既蕃茄野菇稻庭烏冬黎啦！！就如圖片所見，稻庭烏冬係呈扁方形既，幾得意呀～同平時係超級市場買既較為不同先close up 一下個湯，個湯我就嫌佢無乜茄肉，得一舊，蕃茄味係偏咸個款，唔係偏酸

Read full review

又來到紅磡揾食囉～

因為家人要食自己，所以就同佢一齊共晉晚餐順便試新餐廳！

家人話呢間餐廳想食好耐，但係因為太多人既緣故一直都未有緣食到

所以話呢做人真係要有計劃！

因為決定左食呢餐廳，所以tea time都食少左野，早d 落去等位。

真係非常有決心啊～

六點幾先去到餐廳，已經要排隊啦！！！！

餐廳入面已經full 左做緊第一輪晚市既生意

見到呢個咁虛陷既場面真係估佢唔到呀！！！

好彩兩個人食飯都算易等位，拎住九號等左差唔多四個字就入到去啦

呢d 天氣咁鬼熱，餐廳foyer 位又細，真係企耐d 都唔得掂呀

被安排坐bar 檯，非常好啊可以近距離望住c fu 們工作。

很喜歡呢個距離

今晚因為只有兩個人食飯，所以都唔係叫左太多野食，分別係鰹魚沙律、碎蔥呑拿魚丼同埋蕃茄野菇稻庭烏冬！

準備食物都需時，岩岩又係出面企到咁熱，叫返杯林檎汁飲下先啦！

我相信呢度既apple juice 都係買返黎，唔會係自製，所以唔介紹啦，直入主題吧！

我叫既蕃茄野菇稻庭烏冬黎啦！！就如圖片所見，稻庭烏冬係呈扁方形既，幾得意呀～

同平時係超級市場買既較為不同

先close up 一下個湯，個湯我就嫌佢無乜茄肉，得一舊，蕃茄味係偏咸個款，唔係偏酸同埋偏紅個款

但係都係好味既

再close up 一下d 麵～

平時食開買返屋企煮個d 烏冬熟左會有酸味，同埋d 麵條個面會有d 澱粉質出左黎，有層粉。

呢度既烏冬當然唔會係呢d level 啦！如果唔係就唔會有自信拎出黎賣（有得買返屋企自己煮黎食）

因為呢個唔係沾麵，所以咩掛湯能力就唔講了。而且烏冬個質地就係唔太可以掛到湯，所以我就會夾落個羹度連埋d 湯同餸一齊食

個麵幾好咬口，麵細細又唔會好似𡁻麵粉咁

至於個麵有無味道，其實我覺得佢本身就無乜味，有d 澱粉質味囉（呢個形容會唔會好廢？）

但係都係好輕微，我夾住d 湯食係唔會太吃到

呢個蔥碎呑拿魚飯真係好值得講

首先就梗係平啦，$68 咋！！呢個份量仲要係食得飽人，仲要都好飽下

講真呢，食飯配d 芝麻醬沙律菜我係唔喜歡既，最緊要係唔夾蔥碎吞拿魚呀嘛！

不過$68 一個飯，佢又唔俾得多吞拿魚你，咁係要揾其他野舖下面既

講下吞拿魚啦，吞拿魚有股獨有既酸味，但係當然係好味啦

d 魚好fine chop，真係成左蓉，整呢個飯既功夫真係好多呀

唔會有重雪味唔會凍，相信呢度既魚生都好新鮮唔會擺得耐

雖然我認為吞拿魚同蔥好配合，但係都實有人唔鐘意食蔥，所以c fu 安排d 蔥放埋一邊

賣相呢～就真係有d 唔靚仔既，但係呢個飯我係highly recommend

老實講，紅磡另一間出名食omakase 既蔥碎吞拿魚飯既價錢係呢個十倍，其實同呢個分別都唔係話十分之大