究極堂 (永光中心)

Open Now

Now Closed

最近好難得食到日本菜，有啲悶悶地，同朋友黎左呢間究極堂。 朋友話呢間係銅鑼灣新店，所以特別黎試下。可能呢間係新同都係早到，所以未係好多人。 坐底首先就同朋友啤一啤先，一齊叫左杯生啤，幾好飲wor，透心涼。然後就要左個溫泉蛋蟹肉沙律。沙律菜好新鮮，配埋蛋汁真係另一番風味，都幾開胃。呢個究極海鮮杯真係比佢張相吸引到，黎到雖然細細杯，但都材料十足。鱈魚乾點海膽同魚䰵原來都好好食。下層係好多蟹肉，吞拿魚蓉，再有層柚子啫喱，同橘子肉，呢個配搭都幾驚喜。煙燻蒜香火灸吞拿魚，呢個煙燻效果冇得輸。而魚肉都好鮮味，配埋煙燻味，好特別。炸半熟玉子同海苔墨魚他他又係好出色。海膽左口魚邊蝦卷又係好特別既配搭，亦比想像中大件。麥粒味噌黑豚肉薄餅，比想像中唔油膩。可能係佢個茄汁好味，真係同豚肉好夾。最後，京蔥地雞黎到大家都飽飽地，但都忍唔住要食晒，因為真係好吸引。 今日大家都食得好享受。