學利 (興華廣場) (Closed)

星期日同我老公放假，一齊去儲備一星期既糧食。咁啱撞正打風前夕。本身諗住去食大快活，點知佢冇冷氣，老公又話想食西多士，所以轉場去咗平時食開晚餐嗰間茶餐廳。未試過喺嗰度食下午茶，見佢門口有西多士，所以走入去試吓。本身諗住點魚蛋粉，好彩阿姐提一提我哋今日係星期日冇下午茶餐，即時更改食雞髀薯條。喺35度嘅天氣下，好彩佢有足夠嘅冷氣，即刻飲番杯凍檸茶消暑。西多係有花生醬嘅西多，味道幾好。炸雞髀係山炸嗰隻，快皮夠晒脆，不過略嫌細隻咗少少。