牛極 (大河道) (Closed)

尋找美食的我，今晚專誠嚟到荃灣大河道石燒牛專門店(牛極)，我係超級嘅牛魔王一定要試吓，餐廳嘅特色係有一個自助餐區，任添加沙律、白飯、牛肉湯等。自助售賣機好方便，你要幾多重量，乜嘢部位都可以自行選擇。日式裝修十分光猛。用熱石上枱，可以將牛柳保持熱度，食起時更加帶出牛肉味。石燒牛柳200g（$110），店員上菜時熱石上面的牛柳咋咋聲十分震撼，當然最緊要就係牛柳肉質十分軟淋，牛味甚濃。值得一讚呢煲日式牛肉什菜湯，牛肉碎都好大舊，又香又軟淋，非常濃牛味。