鳳城酒家

Open Now

Now Closed

鳳城酒家以傳統順德菜和河鮮烹調著稱 , 上環店最近新裝修和遷址, 地方更舒適和高雅, 餐牌設計也很有品味。杏汁豬肺湯用茶壺盛湯相當別緻, 湯水雪白幼滑, 充滿杏汁清香, 滋潤又清新。鍋貼大明蝦鳳城酒家招牌菜式之一, 即是老少咸宜嘅蝦多士 外表炸到金黃色, 熱辣辣夠曬香脆, 大明蝦蝦肉爽脆鮮甜, 鬆化可口, 開胃又美味嘅小食。大良炒鮮奶這是順德嘅名菜, 要炒得出色真係不容易。炒得香滑嘅鮮奶, 食落香滑脆口, 口味清淡但又有奶香濃郁, 最緊要襯熱食。招牌炸子雞炸子雞外皮炸得香脆, 雞肉保持嫩滑, 熱辣辣肉汁豐富, 味道調較得宜, 配以淮鹽就更加美味。蓮蓉西米布甸鳳城食飯必叫嘅甜品, 熱辣辣香噴噴嘅金黃蛋皮, 下面是又或清甜嘅蓮蓉西米布甸, 甜度啱啱好, 蓮蓉夠曬香滑, 西米混合椰汁奶香, 美味可口。蛋白杏仁茶奶白色杏仁茶幼滑又有杏仁清香, 甜度合適, 配以鬆化酥脆杏仁餅, 啱食。