Opa Mediterranean Bar and Bistro (Closed)

朋友揀嘅餐廳，主打地中海菜，裝修都幾有style，lunch time唔算多人可以坐得舒服咁傾吓計，lunch set幾抵食，問朋友揀餐湯定沙律，佢話唔使揀架喎😂，原來兩樣都有唔係二揀一!! 🔘蘑菇湯碗底放咗黑松露，侍應攞個壺過嚟直接倒d湯出嚟，黑松露香味即刻出晒嚟，個湯幾夠熱，杰身creamy有濃厚蘑菇味!! 🔘蟹肉芒果沙律見到一絲絲蟹肉，芒果鮮甜，配搭柚子汁好清新，份量都幾多!!🔘香煎盲槽魚柳盲槽魚肉質比較結實、魚味香濃唔腥，醬汁加咗青檸汁提鮮，魚脂適中，呢個主菜食完冇咩罪惡感，健康之選!! 🔘慢烤紐西蘭西冷扒比較薄身嘅西冷扒，肥瘦適中，望落好粉嫩，配搭紅酒汁都好夾，試咗一啖肉質都唔錯喎，生熟程度啱啱好!! 🔘Churros (是日甜品)不嬲都鍾意食Churros，呢度嘅Churros比起平時食到嘅口感更加煙韌，表面炸到酥脆，玉桂味幾突出，如果加多少少朱古力醬會更好!! 🔘朱古力心太軟其中一個餐加錢叫咗心太軟，唔算太有流心效果，但朱古力味幾濃郁!! 🔘Latte 🔘Capuccino 幾滿意嘅lunch，由前菜一路到甜品甚至咖啡都做得幾唔錯，環境都有加到分，食飯同飲嘢都適合，睇住