Video
Read full review
2017-07-10
1665 views
周末嘅科學園格外寧靜，適逢今日呢度有個慈善跑步比賽，所以專誠入嚟為朋友打打氣，加加油。賽事六點先開始，運動健兒都仲未開始集合，只見工作人員都係佈置緊場地同準備攤位遊戲中，所以四周都好清靜。兩點半鐘嚟到科學園，行咗陣搵食，就揀咗呢間餐廳 - YaYoi 花見月。餐廳以白色佈置為主調，有兩邊的落地大玻璃，天花亦係以玻璃建造，採光度十足，份外明亮。咁靚嘅環境，舒適寧靜咁歎一個午餐，舒心!呢度冇下午茶餐，亦都冇午餐，但係就有好多定食選擇，所有套餐應該係全日供應冇分時段，可以話係全日餐。飲品選擇亦唔少:花見月全日早餐＄128 - 日本廣島香蛋(太陽蛋、反蛋或炒蛋)、雞骨腸、煙熏黑豚腸、英國早餐腸、牛肉薯餅、明太子雞翼、野菜沙律、牛油粟米、醬油野菌、牛油多士。賣相幾靚，好大份最特別嘅係明太子雞翼，雞翼去晒骨，表面香脆，入面釀滿晒明太子，好花心機。一啖咬落去，鹹鹹辣辣，好惹味。一隻太少，多一隻就好喇牛肉薯餅外脆內軟，仲熱辣辣。炒日本廣島蛋，蛋味特別香，但就略嫌太熟冇乜蛋汁。套餐可以半價換購所有飲品，全日早餐最好配返杯咖啡，Cafe Tiramisu意式芝士餅珈琲$21。拉花好靚，朱古力味同咖啡味都好
餐廳以白色佈置為主調，有兩邊的落地大玻璃，天花亦係以玻璃建造，採光度十足，份外明亮。
咁靚嘅環境，舒適寧靜咁歎一個午餐，舒心!
呢度冇下午茶餐，亦都冇午餐，但係就有好多定食選擇，所有套餐應該係全日供應冇分時段，可以話係全日餐。
飲品選擇亦唔少:
花見月全日早餐＄128 - 日本廣島香蛋(太陽蛋、反蛋或炒蛋)、雞骨腸、煙熏黑豚腸、英國早餐腸、牛肉薯餅、明太子雞翼、野菜沙律、牛油粟米、醬油野菌、牛油多士。賣相幾靚，好大份
最特別嘅係明太子雞翼，雞翼去晒骨，表面香脆，入面釀滿晒明太子，好花心機。一啖咬落去，鹹鹹辣辣，好惹味。一隻太少，多一隻就好喇
牛肉薯餅外脆內軟，仲熱辣辣。
炒日本廣島蛋，蛋味特別香，但就略嫌太熟冇乜蛋汁。
套餐可以半價換購所有飲品，全日早餐最好配返杯咖啡，Cafe Tiramisu意式芝士餅珈琲$21。拉花好靚，朱古力味同咖啡味都好濃，相互配合，正。
海膽特上雜錦刺身定食＄238，配珍珠米飯、麵豉湯、兩款前菜。
海膽、北海道帆立貝、三文魚、吞拿魚……共七款時令刺身，擺碟精美，但份量唔多。
定食原本包咖啡/茶/汽水，但亦可以半價換購所有特飲。檸檬熱情果茶$15，聞起黎好香甜，唔駛再落糖，飲落甜度適中。
店員都好好態度好有禮貌。優惠方面，科學園員工有九折優惠，另外亦有泊車優惠，食$200有兩個鐘免費泊車; 食$400蚊就有四個鐘頭喇。唔駛去新城市度同人迫，又要等車位又要等枱，間中嚟科學園享受寧靜，嚟個舒適午餐，都幾正架。
Post
