Jazz Cafe (Closed)

五月份嘅天氣熱得有點反常。嗰日中午，我地喺荔枝角辦完事，去咗一間相對寧靜嘅餐廳，享受我地嘅午餐。呢間Jazz Café位於一棟唐樓嘅樓上二樓，位置非常隱蔽，但係當你去過之後，就會識得再去架喇。日常生活節奏急促，有時都好想放慢腳步，慢活一下。呢間餐廳就可以俾到我有呢種感覺。入到去，盞水晶燈令到室內嘅光線變得柔和，播放住輕鬆嘅音樂，真係好relax呀！我地坐低後點咗兩份午餐，配以燉湯同餐飲。兩款主菜，龍脷魚柳同黑豚肉好嫰滑，拎上枱時熱辣辣。埋單仲唔駛加一服務費添，非常抵食！有時約埋三五知己上嚟食吓嘢，傾吓偈，都唔錯呀！