Mini Friday (銀城廣場) (Closed)

早排電視不斷播半成品嘅威靈頓牛柳嘅廣告，畀佢成功撩起條食筋，不過梗係出去餐廳食煮好嘅成品啦。其實都唔少西餐廳有威靈頓牛扒，不過又奇怪身邊都有幾個朋友話未食過。今次就班朋友仔到方便至極嘅旺角滿足口慾。餐廳有唔少酒樽以作裝飾，餐牌亦有多款美酒供佐美食，不過今日專攻美食。先食醒胃 帕爾馬火腿紅菜頭雜菜沙律 火腿甘香，紅菜頭切至細粒唔會硬再加入微甜沙律醬啱晒，可能為美觀上碟做型原故，如果份量多啲就更好。接食 香草牛油焗田螺酥盒 熱辣辣牛油酥皮又香又鬆化 再盛入香草田螺，作為餐前小食一啖一口真係冇得頂。 食主菜前再嚟多個 意式焗牛肉丸 肉丸底 番薯蓉再加入小量南瓜蓉健康飽肚配肉丸非常適合。是晚焦點 威靈頓牛柳 出場 香噴噴既酥皮下包著肉嫩多汁嘅牛柳， 披著酥皮下烤焗，五成熟嘅牛柳保留肉汁比平常更多， 一刀切開紛紛湧出；酥皮香，肉更香，啖啖超滿足。最後 帕爾馬火腿薄餅 及 西班牙海鮮炒飯 兩個主食都唔錯，蝦蜆魷魚都好鮮甜，飯量比例剛剛好；薄餅皮薄脆口芝士及火腿香口不在話下，其實薄餅上嘅火箭菜配合都非常好，好讓中和整餐肉食。