Video
Read full review
2024-11-07
139 views
咁岩去中環同客開完會，難得黎到附近，咁終於可以試過心儀已久的Wingman，試下佢唔同特別味道的雞翼。今次就叫左Loads O’ Birds 雞 全部都係雞套餐，當中已經包括24隻4款口味的雞翼，再加2個配菜。<24隻雞翼拼盤>黎到Wingman，就肯定要食雞翼，呢度的雞翼係使用歐盟認證走地雞，無激素之餘，同時不含抗生素，所以享用就好安全。而當中有好多款口味，今次就叫左乾身的黑椒檸檬、濕身的水牛城醬、新加坡辣蟹，同埋特製的自家制鹹蛋黃味道。- 黑椒檸檬夠晒開胃，同埋因為係乾版口味雞翼，所以更加食到雞翼皮的香脆- 咸蛋黃夠重口味，但唔會好腻，味道岩岩好- 新加坡辣蟹比想像中辣，加上辣椒同蔥，真係有種炒辣蟹的感覺同味道- 水牛城醬酸酸辣辣，幾惹味，食極都唔厭<菠菜甘藍沙律配芝麻柚子醬‧杏仁麵包槺炒澳洲西蘭花苗>菠菜甘藍沙律食落去材料幾新鮮，仲加埋車厘茄，但精髓其實係芝麻柚子醬，酸酸甜甜當中帶有芝麻味，食完幾開胃。杏仁麵包槺炒澳洲西蘭花苗真係第一次見呢種煮法，食落去味道複雜同帶有唔次口感同層次，而西蘭花苗夠嫩口，食落去有爽脆的感覺。飲品方面，叫左芒果梳打同埋玫
<24隻雞翼拼盤>
黎到Wingman，就肯定要食雞翼，呢度的雞翼係使用歐盟認證走地雞，無激素之餘，同時不含抗生素，所以享用就好安全。而當中有好多款口味，今次就叫左乾身的黑椒檸檬、濕身的水牛城醬、新加坡辣蟹，同埋特製的自家制鹹蛋黃味道。
- 黑椒檸檬夠晒開胃，同埋因為係乾版口味雞翼，所以更加食到雞翼皮的香脆
- 咸蛋黃夠重口味，但唔會好腻，味道岩岩好
- 新加坡辣蟹比想像中辣，加上辣椒同蔥，真係有種炒辣蟹的感覺同味道
- 水牛城醬酸酸辣辣，幾惹味，食極都唔厭
<菠菜甘藍沙律配芝麻柚子醬‧杏仁麵包槺炒澳洲西蘭花苗>
菠菜甘藍沙律食落去材料幾新鮮，仲加埋車厘茄，但精髓其實係芝麻柚子醬，酸酸甜甜當中帶有芝麻味，食完幾開胃。
杏仁麵包槺炒澳洲西蘭花苗真係第一次見呢種煮法，食落去味道複雜同帶有唔次口感同層次，而西蘭花苗夠嫩口，食落去有爽脆的感覺。
飲品方面，叫左芒果梳打同埋玫瑰檸檬有汽梳打，都幾大杯，食完雞翼後飲更加Refreshing。
整體而言，雞翼由於係無激素的品種，所以唔算大隻，但味道較好，同埋雞皮都夠香脆，24隻絕對夠晒2個人享用。而配菜同飲品都唔錯，唔怪之閒日都可以Full House。如果黎開附近，值得過黎試下。
店舖: Wingman (中環)
地址: 中環閣麟街37-43號祥興商業大廈6樓
Post
