羲和雅苑

Open Now

Now Closed

落地玻璃嘅維港景色好吸引😍🤩， 幸好安排在窗口傍，一路嘆下午茶，一路欣賞靚景色，人生一大樂事，下午茶餐真係超級抵食，$188 2位用，當中仲要有黑松露煙燻鵝肝伴脆炸饅頭和磯煮鮑魚，性價比超高😳鮑魚口感清爽，醬汁甜甜地，好適合夏天食，非常開胃。另外，鵝肝油香滿滿， 配合香脆炸饅頭，簡直係絕配😗仙桃布丁 外型十分討好❤️，打卡一流、儀式感滿滿✌🏼另外，點可以錯過呢度嘅馳名片皮鴨，鴨皮非常香脆，仲要有多款配料和醬料可以選擇，當中令我最深刻嘅就係爆炸糖同埋藍莓醬😳令油膩感消失。 仲要有師傅喺你隔籬即場片皮，非常新鮮，食客可以安心食用 。最後我哋亦都叫了 黃扒魚肚，湯底10分濃郁，湯料仲要有厚厚的花膠，成碗湯膠質滿滿，連老公都大讚好有誠意。