羲和雅苑

Open Now

Now Closed

好耐之前已經同朋友試過呢間片皮鴨好食, 最近另外一位好朋友又想食, 我當然介紹佢黎呢間食啦! 餐廳位於尖沙咀LCX近海邊位置，有室內和室外用餐, 今次因為下雨, 就坐室內。如果天氣好, 日頭同夜晚都有個靚景陪伴一齊用膳呀, 超正! 呢到環境舒適, 很欣賞佢既藝術圓形設計隔開餐桌之間~*馳名烤鴨 （半隻）烤鴨即叫即燒，會係客人席前展現刀工, 一邊切片見到熱氣上升, 熱辣辣的烤鴨十分吸引。還包括了八寶盒配料及薄餅一份, 薄餅都好多塊。一鴨有三種吃法，脆鴨皮、鴨腿肉及鴨胸肉，首先加了爆炸糖的脆鴨皮吃法特別，食落甜甜地, 不會感到油膩。建議要快食, 因為爆炸糖接觸到水份好快會變硬呀。薄餅皮皮薄, 小小煙韌, 夾埋鮮嫰鴨肉, 醬汁和配料, 味道好有層次, 口感豐富! 鴨腿肉就可以點芥末來吃, 刺激味蕾! 個人就比較喜歡傳統吃法，不過同一時間又可以吃出三個不同味道, 又十分滿足開心, 哈哈!*松子桂魚松子桂魚賣相已經很吸引, 魚身炸到香脆可口, 魚肉好滑, 加埋酸甜醬汁, 十分開胃, 又係一味送飯的好餸~*金沙海膽蟹肉滑豆腐 $168海膽蟹肉好鮮甜，份量比預期多, 再配上滑滑的豆腐，送飯真的一流,

朋友介紹有一間餐廳食片皮鴨超好食，而且佢位於尖沙咀海港城，餐廳座位好舒服，重點係你可以望住個靚景，超正🤩♦️馳名烤鴨（半套）+八寶盒(青瓜條、京蔥絲、甜麵醬、山楂條、紫洋蔥、藍莓醬、爆炸糖、羲和秘制芥末醬) +薄餅♦️師傅會喺你面前片鴨，好有儀式感😍而且隻鴨熱辣辣，佢一路切啲香氣就一路撲埋個鼻度，真係超吸引！師傅切出嚟分別有三碟…第一碟係鴨胸皮：佢話係全隻鴨最香酥的位置，店員建議不用包薄餅，先蘸藍莓醬、再蘸爆炸糖，放入口中兩至三秒，爆炸糖在口中跳動，這就是會跳舞的烤鴨。第二碟係鴨胸肉：佢係肉連皮，皮脆肉嫩，店員都係建議不用包薄餅，蘸黃芥末即可，大家一般認識的「黃芥末」刺鼻及帶辣，而羲和秘制芥末醬與別不同，入口酸中帶甜，委婉解膩。第三碟係鴨腿肉：係全隻鴨的精華所在，店員就建議包薄餅享用，佢哋建議有兩種吃法第一個傳統吃法：包薄餅，加入青瓜條、京蔥絲、甜麵醬；第二個新式食法：包薄餅，加入山楂條、紫洋蔥、藍莓醬兩種食法都好好味❤️新式食法食落會fresh啲！除咗烤鴨 ，我哋仲叫咗張氏獅子頭 （位）、三色皮蛋(例)、青梅小排骨(例)、羲和小肉餅（4件) 、荷香鮑魚雞粒燜飯(例)、手撕糖油餅和薑汁紅棗小

尖沙咀海運大廈2樓203號鋪，羲和雅苑，我們慕名而來，享受最高級的中華美食。😋😋🍽️ 馳名烤鴨，金紅色澤誘人，皮脆肉嫩，香醇撲鼻，一口咬下，醬汁四溢，驚豔味蕾！絕對是餐桌上不可或缺的經典美味。🐟 黃扒魚肚，燙熱的魚肚如黃金般靚麗，搭配鮮美的濃湯，輕輕一啄，豐腴軟綿，滿口鮮香，魚肚的滑膩與雞湯的濃郁相得益彰。🍗 張氏獅子頭，肉質細膩緊實，每一口都是絕佳的口感體驗。外皮綿軟，內裡鮮嫩多汁，香料搭配湯汁更是無與倫比的美味。🍖 貝勒爺烤羊肉，選用上等羊肉，經過孜然等特製調味料腌制後，再用火候恰到好處的烤製而成。外皮微焦內裡鮮嫩多汁，香氣四溢，讓人一吃難忘。🥗 蔥燒海參，海參軟綿入味，大蔥的香氣與海參的鮮美完美融合。每一口都帶著濃郁的海鮮風味，簡直是海洋風味的極致享受。🥣 黃扒湯浸窩筍，清新的窩筍在黃金湯汁中滾燙過後，更加鮮美爽口。湯汁濃郁而不膩，入口即化，讓人一喝就愛上！這一桌美食佳餚，不僅僅是味覺的盛宴，更是視覺與心靈的享受。快來一品這道道經典好味吧！

今日帶個外國朋友一日遊，甘當然要食下d 特色美食啦！揀左黎羲和雅苑，因為佢個烤鴨好出名，岩曬招呼朋友！點左半隻馳名烤鴨，分別有鴨胸皮，鴨胸肉及鴨腿肉。鴨肉係即場有員工片比你，可以欣賞到佢既刀工，鴨皮焗得好靚！仲附近一大盤配菜及薄餅，店員亦都會好用心講解食法，服務好好！個人最中意點藍梅醬加爆炸糖甘食，食法好新穎之餘又估唔到甘好味！芥末沙律蝦球，一份4隻，底有層炸米，香脆好爽！蝦球配芥末醬估唔到甘好味，好滑而蝦球爽口彈牙，水準一流。青梅小排骨，排骨炸到表皮香脆，醬汁酸酸甜甜，加上青梅又加解膩，唔錯！羲和小肉餅係好有特色既小食，小肉餅卷到正正方方，面頭仲有一枝細細既黑醋比你擠入d 肉餅度，好新穎！味道黎講都唔錯，外皮脆脆地而入面啖啖肉！荷香鮑魚雞粒燜飯，睇相完全唔知佢甘大份！！一份應該夠4~5個人吃，用料好足，有大量既元貝及雞粒，仲有隻大鮑魚，好味！京式小籠包一定要趁熱食！岩岩上菜既時候會有蓋，一打開熱氣騰騰，好正！每個小籠包都有用錫紙碟裝住，乾淨又衛生！配埋黑薑醋食真係一流！整體黎講好滿意，朋友覺得烤鴨食法多變好特別，味道亦都好好！下次有機會吃埋其他菜色！

羲和雅苑⭐️馳名烤鴨⭐️張氏獅子頭⭐️椰皇花膠燉雞湯⭐️孜然羊架⭐️辛辣秋葵⭐️京式小籠包上星期同屋企人去左海港城嘅羲和雅苑食飯。椰皇花膠燉雞湯係全晚最鍾意嘅菜式。湯底清甜，椰子香味勁濃郁，飲完後感覺好滋潤。片皮鴨有三種食法，第一種食法用鴨皮配爆炸糖，第二種係鴨胸肉配黃芥末，而第三種就係傳統食法。烤鴨皮脆肉嫩，配上特製嘅甜麵醬同青瓜，再卷住薄餅食，每一口都可以感受到烤鴨嘅油香，同時又唔會覺得油膩，好食。張氏獅子頭大大粒，肉質鬆軟，配上濃郁嘅湯汁，每一口都充滿咗肉香。餐廳知道獅子頭嘅味道比較濃，所以好貼心咁樣配咗一小碗白飯俾我哋，呢一個服務真係要讚一讚。孜然羊架燒得剛剛好，每一塊都燒到外焦內嫩，孜然味同埋羊味都好濃郁。京式小籠包皮薄餡靚，咬落去爆曬汁，對於鍾意食小籠包嘅人嚟講真係每一口都充滿幸福感。

看到openrice有優惠券購買，於是預定，進來入座時也問好服務員,有關預定與現金券使用是否現在要報備，工作人員說可以的，在買單時根據金額收銀員會幫我們計算好，這樣不會多買現金券，一切都沒問題；結果買單時，工作人員說經過Openrice就不能用券優惠⋯我問她那經過Openrice預定不能用券，是因為給了我們什麼特別優惠嗎？工作人員說送了4顆小甜品，在這裏我想吐槽，如果大家嘗試了，就一定會知道送的預定贈送甜品，實在難吃，第一次必須花時間吐槽這家，雖然4人餐1800多不算貴，但是這樣的體驗真不愉快！

今次同埋兩個朋友，特登嚟到一間位於維港邊的餐廳，想體驗下古法製作的片皮鴨。果然冇失望，餐廳環境優雅，坐在窗邊，望住海景，心情都舒暢咗好多。鴨皮皮香酥脆，加埋藍莓醬，一放落口，係從來冇諗過嘅口感，味蕾大受衝擊，不得了嘅享受。鴨肉搭配薄薄的餅皮，啖啖肉質鮮嫩，真係好味！其實佢其他送都好好食，不過係鴨皮太搶眼。呢個糖都係用嚟點鴨食。講下今次唔好嘅地方或體驗。啲鴨皮係好正，但食多幾啖都真係好漏，記得送幾啖飯。同埋朋友要求咗幾次關咗最近我哋嘅玻璃門，有啲大風，但最後都冇人理。如果你想搵間餐廳好好坐下，然後睇住維港吹水吹足一晚，呢間餐廳絕對係個好選擇，佢好似十人枱都有。記得早啲預約，叫佢留鴨就得。

最近想食片皮鴨，就去左尖沙咀嘅羲和雅苑。一入去就俾佢嘅氣氛吸引住，裝修融合咗古典同現代元素，好有文化味道，睇到已經知道呢度啲美食唔簡單。仲有室外嘅位置，可以睇到維港景色！開場嗰隻烤鴨真係打正旗號，視覺同味覺上都係雙重享受。廚師即席片鴨，手勢好利索，片得靚靚仔仔，將鴨胸皮、鴨胸肉同鴨腿肉分開。脆卜卜嘅鴨胸皮唔使包薄餅，淨係沾藍莓醬同爆炸糖，呢個組合好新奇，藍莓醬嘅酸甜解左鴨皮嘅油膩，香脆嘅鴨皮加上跳跳嘅爆炸糖，口感好特別。至於鴨胸肉，就配埋特製嘅黃芥末醬，酸甜恰到好處，食完完全唔會膩。鴨腿肉搭薄餅一齊食，無論係傳統版嘅青瓜京蔥絲甜麵醬，定係新派嘅山楂條、紫洋蔥再加藍莓醬，全部都值得一試。接住上台嗰道係張氏獅子頭配上一口飯，鮮香四溢，肉質鬆軟，d醬好適合撈飯食。跟住啲煙燻叉燒一出場，嗰股煙燻香真係使人食指大動，肥瘦適中。一品賽蟹黃，雖然冇蟹，但啲蛋香撲鼻，口感細膩，蛋白整到好似有蟹肉咁，微酸開胃，真係令人有種驚喜。仲有羲和小肉餅，外皮非常酥脆，用試管裝住醋，自己控制吱入肉餅嘅份量，每咬一啖都係一種享受，配杯桂花烏龍茶，淡雅嘅花香留喺口中，真係回味無窮。最後嗰道黃扒湯浸萵苣為呢餐畫上完美句號

If you're looking for a memorable dining experience that combines exquisite cuisine with stunning views, the Peking duck restaurants along the harbour are truly exceptional. Here are some highlights of what makes these venues the perfect choice for a wonderful family outing.One of the standout features of these restaurants is their breathtaking views of the harbour. Imagine enjoying a delicious meal while gazing at the shimmering waters and the city skyline, especially during sunset when the sce

一坐低就送上桂花烏龍茶，散發出一種淡雅清香，茶水桂花香味濃，令人放鬆。佢嘅招牌片皮鴨由師傅現場表演刀功，並且分三個部位：鴨胸皮，可以點爆炸糖加藍莓醬食，甜甜地又脆口；鴨胸肉肉質結實，，配上芥末，微甜微酸，唔會嗆喉；鴨腿肉就用嚟配薄餅，第一種食法：青瓜清新，京葱辛香，油香十足；第二種食法：新奇甜辣，藍莓醬同山楂好夾，洋蔥辛辣，鴨味突出。再叫咗個避風塘炒軟殼蟹，香口脆卜卜，辣味唔會太重、啱啱好，蒜香味濃，軟殼蟹冇腥味，好好食。另外再有個涼菜-- 乾隆白菜，以酸甜為主，脆口，開胃，係幾特別嘅手工菜，唔好以為會好細碟，份量好夠！佢哋嘅小籠包皮薄餡靚，肉汁豐富，一咬落去，肉汁就喺口中爆開，有質素保證。至於咸菜方面，我哋叫咗貝勒爺烤肉，羊肉份量都幾多，孜然香唔會蓋過風頭，脆口唔韌，我好接受到佢嘅羶味添！

一間擁有靚海景既海港城京菜館, 除左室內有落地玻璃睇到維港景色之外, 仲有戶外位置, 可以一邊欣賞夜景一邊食餐廳既招牌片皮鴨. 🍽️ 馳名烤鴨 半隻 $388師傅片緊皮既時候已經見到隻鴨燒得好靚仔, 表皮油光十足,好吸引. 餐廳將片皮鴨分成三部分, 包括鴨胸皮、鴨胸肉、鴨腿肉, 每部分都可以配搭不同配料, 有多種不同食法.⭐️ 鴨胸皮係最有特式既一部分, 因為可以用嚟蘸餐廳附送既爆炸糖同藍莓醬, 爆炸糖同脆卜卜既鴨皮意外地夾, 口感非常特別⭐️ 鴨胸肉可以蘸餐廳特調既黃芥末, 入口酸中帶甜, 又唔會蓋過胸肉原有既味道. 鴨腿肉則可以跟返傳統食法, 包薄餅再加入甜麵醬、京蔥絲等, 更食到片皮鴨既肉汁同精華.🍽️ 磚爐叉燒 $228份量超多, 3-4人都絕對夠食, 叉燒肥瘦均勻, 肉質唔乾唔柴, 而且夠哂入味, 蜜汁掛係叉燒上面, 味道香甜.🍽️黑松露煙燻鵝肝 $308開蓋之後飄出一陣香濃既煙燻味, 鵝肝口感順滑, 配搭面頭既黑松露, 入口香而不膩.🍽️ 張氏獅子頭 $48/位 肉香味十足, 而且肉丸亦都唔會一夾就散開, 肉汁鎖係肉丸入面, 入口夠哂juicy.🍽️ 羲和小肉餅 $68肉餅上插住裝有陳醋

前日講咗幾次想食烤鴨，今日友人就帶我去海港城品嚐間挺出名北京菜。餐廳裝修好靚，具特色宮庭雅苑，座位闊落舒服，很高私隱度一坐低，服務員就遞上一壺桂花烏龍茶，香濃桂花味，感覺好清新，邊飲靚茶邊品嚐鴨子🦆 茶芥$40 馳名烤鴨（半隻）$388廚師推咗整隻鴨出嚟係我哋面前切，鴨子一邊出煙邊流口水🤤鴨切成了三小碟及各有不同食法：鴨胸皮-全隻鴨最香酥地方 建議蘸藍莓醬+爆炸糖 甜甜嘅味道配鴨皮 幾創新食法，咀嚼同時爆炸糖會郁動 好搞笑😂 味道上就個人喜歡就咁食多啲鴨胸肉-皮脆肉嫩 建議蘸秘製黃芥末佢哋秘製嘅醬真係與眾不同，完全無刺鼻嘅感覺，入口少少酸中帶甜，仲幾解膩 鴨腿肉-係全隻鴨嘅精華所在，建議包薄餅食平時一般人食法都係包青瓜、京蔥絲、甜麵醬依到有個創新食法係包山楂條、紫洋蔥、藍莓醬山楂條酸甜酸甜幾特別，鐘意甜食嘅朋友會喜歡但個人喜歡守舊派✌🏻😳大讚呢到薄餅皮夠熱幾薄，煙靭 份量仲好多黃扒魚肚$168（位）南瓜湯底，質地很很稠，好濃郁雞湯味唔講唔知係南瓜湯🎃 魚肚好厚好大塊 啖啖肉 滿足😳喜歡飲湯嘅朋友必嗌🤞🏼芥末沙律蝦球$178大大隻蝦蝦球已去殼，外皮炸到乾身脆口，蝦肉彈牙食落仲有少少蝦汁。

屋企人話想食片皮鴨，之前試過幾間，但係都冇試過羲和雅苑，於是乎就帶屋企人嚟試吓。啲嘢食嘅份量其實比想像中大份，而且望住個海景都真係好寫意，咁啱有間房仔傾計大聲啲都唔怕。‣ 馳名烤鴨 $388‼️超級推薦‼️分咗三個部份，有三種食法，我都係第一次試鴨皮再加爆炸糖，冇諗過個效果都幾過癮。但係我最欣賞係佢嘅秘製芥末醬，帶到芥末醬嘅辣，但係又會有絲絲嘅甜味。而啲餅皮都好薄，唔會話好厚身，鴨真係必食，呢個價錢算係咁。‣ 芥末沙律蝦球 $178‼️超級推薦‼️本身對蝦球冇話好大期望，結果食落口嘅時候發覺啲蝦好彈牙，炸得脆卜卜啱啱好，而佢嘅芥末醬同黃芥末有啲唔同，因為主要係沙律醬做底，所以相對上比較甜，但係搭配蝦球真係啱啱好。‣ 磚爐叉燒 $228叉燒真係超級大份，係我冇想像過嘅份量，所以收得貴都覺得理解。叉燒肥瘦相當均勻，呢道菜式嚟講真係肉質取勝。蜜汁又啱啱好，唔會話太過甜而影響咗叉燒嘅風味，如果多啲人嚟食嘅話應該會好滿足，兩個人就真係超級飽。‣ 一品賽蟹黃 $148每一啖都食得出蛋白嘅嫩滑，香濃嘅調味都會明白點解佢叫做賽蟹黃，我幾鍾意佢底下收埋嘅饅頭，搭配一齊食都幾過癮。‣ 京式小籠包 $68小籠包呢個

最近去咗尖沙咀一間高級餐廳，呢度專食北京烤鴨🦆，環境優雅，裝潢高雅大氣。餐廳內有落地大窗，可以欣賞到美麗嘅維港景色🌆。**北京烤鴨**：有師傅親自去將烤鴨設成薄片，非常有gimmick. 師傅將額分成三個部位，鴨胸皮**：最香酥，蘸藍莓醬，再蘸爆炸糖，好有特色🍬。鴨胸肉**：皮脆肉嫩，點咗蘸黃芥末即可，酸中帶甜😍鴨腿肉，配上青瓜條、京蔥絲、甜麵醬，口感多層次椰皇花膠燉雞湯**：湯底清甜，花膠細膩柔滑，雞肉鮮嫩，椰香濃郁，非常滋補🍲。宮保帶子**：帶子外脆內嫩，配上宮保醬嘅香辣味道，令人胃口大開🔥。**鮑汁海參扣鮑魚**：海參同鮑魚炆得軟糯入味，鮑汁濃郁，每一口都充滿鮮味

最近去咗間中菜館羲和雅苑，私隱度高，連個茶都係係桂花烏龍茶，飲落清香溫潤🍵佢係一間北京菜館，主打片皮烤鴨，但好可惜當日個爐維修食唔到佢哋嘅招牌菜而留下些少違憾。於是乎叫咗黃扒魚肚，啲魚肚肥厚彈牙，燜煮到入味，每一啖都係滿滿嘅膠質，配埋濃郁嘅上湯，簡直係極品享受！😋一品賽蟹黃個蟹黃醬香濃得嚟又唔會太漏，食落層次感十足！至於宮保帶子就炒得香脆夠鑊氣，帶子新鮮彈牙，配埋香脆花生，香辣開胃🙂‍↕️京式小籠包偏細隻但依然皮薄餡靚，一啖咬落湯汁四溢，個餡料多汁！最後嗰個籠仔櫻花蝦海味蒸飯都ok，海味香氣撲鼻，完美收官！✨