Video
Read full review
2021-12-15
51 views
最近發現銅鑼灣開咗一間新嘅日本菜餐廳，感覺好高級，而且餐牌都好吸引，有得食爐端燒又有得食其他特色日本嘢。我哋就試咗唔同嘅款式，食物真係有質素保證！靜岡縣水果茄沙律好清新，水果蕃茄鮮味十足，佢嘅菜除咗一般沙律菜之外仲有火箭菜，相當多元化。海膽松葉蟹肉拖羅他他方面無論係賣相定係味道都夠吸引，上面嘅嘅海膽鮮甜不在話下，中間嘅帶子都係非常鮮味，仲有最低嗰兩層係松蟹蟹肉及拖羅他他，鮮甜度滿分。旁邊仲有紫菜，可以配搭一同享用。精選燒物虎蝦雞皮串、阿波尾雞翼、秋葵、大葱可以見着師傅喺面前燒真係好好睇！主力嘅調味都係加鹽，虎蝦雞皮串表面包裹雞皮，迫晒啲油出嚟好香，阿波尾雞翼就相當多肉，燒雞翼好好食！鵝肝茶碗蒸表面有好香嘅鵝肝香，茶碗蒸裏面嘅蛋好滑，入面仲有雞肉等等配料，相當豐富。金燐鯛配自家製宮崎粟米蓉最正係本身條魚已經好滑，表面嘅燐整得好香脆，配搭順滑嘅粟米蓉，配搭不錯。燒飯團 (明太子 &辣味噌) 本身諗住食吓澱粉質，點知有驚喜，飯團表面燒得焦香，而且明太子鹹香十足，辣味增就香味出眾，熱辣辣即食！精選甜品有沖繩黑糖，個甜點口感特別少少軟糯，好滿足。食日本嘢呢個位係25樓，23/F Lounge仲有
我哋就試咗唔同嘅款式，食物真係有質素保證！
靜岡縣水果茄沙律好清新，水果蕃茄鮮味十足，佢嘅菜除咗一般沙律菜之外仲有火箭菜，相當多元化。
海膽松葉蟹肉拖羅他他方面無論係賣相定係味道都夠吸引，上面嘅嘅海膽鮮甜不在話下，中間嘅帶子都係非常鮮味，仲有最低嗰兩層係松蟹蟹肉及拖羅他他，鮮甜度滿分。旁邊仲有紫菜，可以配搭一同享用。
精選燒物
虎蝦雞皮串、阿波尾雞翼、秋葵、大葱
可以見着師傅喺面前燒真係好好睇！主力嘅調味都係加鹽，虎蝦雞皮串表面包裹雞皮，迫晒啲油出嚟好香，阿波尾雞翼就相當多肉，燒雞翼好好食！
鵝肝茶碗蒸表面有好香嘅鵝肝香，茶碗蒸裏面嘅蛋好滑，入面仲有雞肉等等配料，相當豐富。
金燐鯛配自家製宮崎粟米蓉最正係本身條魚已經好滑，表面嘅燐整得好香脆，配搭順滑嘅粟米蓉，配搭不錯。
燒飯團 (明太子 &辣味噌) 本身諗住食吓澱粉質，點知有驚喜，飯團表面燒得焦香，而且明太子鹹香十足，辣味增就香味出眾，熱辣辣即食！
精選甜品有沖繩黑糖，個甜點口感特別少少軟糯，好滿足。食日本嘢呢個位係25樓，23/F Lounge仲有得飲Cocktails Chill下，不過今晚仲要開會，下次再去飲下Cocktails！
環境
Post
