泰Grill (享和街)

荃灣的享和街一帶原來也是餐廳林立。今晚行過，發現多一間名為「泰Grill」的泰國菜餐廳，即刻心思思和朋友來個即興泰菜夜。冬蔭功湯底可以按個人口味選擇辣度。湯底creamy，因為揀了少辣，所以偏重椰香味一點。微辣帶酸的味道令人開胃，而且也沒有過鹹之感。金邊粉份量挺多，非常索湯。配餸選了雞肉，但就稍嫌肉質有點乾。除此之外還有菇菌、車厘茄等。一大長碟的酸辣魷魚！辣度同樣可以選擇程度。魷魚伴以蒜蓉、青檸等一起烹煮，質感軟腍又帶少許嚼勁。味道酸酸辣辣，好香好惹味。感覺用來佐飯相當不錯！椰汁糕入口爽脆，感覺似大菜糕。糕點有2分層，一層是椰汁，一層是椰青水。味道都是濃濃的椰香味，甜度適中。每次食泰菜都必點泰式飲品！和朋友分別點了椰汁沙冰、龍眼冰。2款都幾好飲，各有特色，最欣賞有甜度選擇。