太元樓

Open Now

Now Closed

位於北角新開張既京川菜太元樓新開張，於是抱著人試我試既心態去湊下熱鬧，星期六18:00已經大排人龍，好彩既係我有訂枱，有好多街坊o黎到已經話full booking要等。店內既餐具都係比較優雅，有d似翡翠玉石，古色得o黎又有點新派既感覺。先來小籠包4隻，小小既包點已經見到內裡滿滿既肉汁，慢慢夾起放入口，唔加任何醋汁已經滿口濃濃肉汁香，皮簿肉香。脆皮乳鴿($28隻)2隻，即點即炸，上枱仲係熱辣辣，皮脆而且肉嫩，小朋友都爭住要食，唔係淮鹽都已經好入味。瑤柱蛋白炒飯：瑤柱及蛋白都炒得很香口，飯粒分明，每一啖都有濃濃既瑤柱香氣，火喉十足。椒鹽黃金豆腐：豆腐炸得外脆內軟，豆腐依然非常滑，外層帶有少少七味粉，微微辣度又帶出黃豆香。黃金蝦：黃金蝦被滿滿鹹蛋黃包圍，蝦頭滿滿既蝦膏令整體錦上添花，唯一不足係如果蝦殼帶少少脆會更好。上海粗炒：鑊氣十足，每一條麵都非常入味，食得出師傅用心制作。