匠心廚房 (Moved) New Location

打完波🏀路過見到一個好有氣勢嘅字體加上蠻有意思嘅店名吸引住 「匠心廚房」呢個名字帶有精巧細心嘅意思配以廚房兩字，即時令人聯想到廚師費盡心思巧手烹調...在呢個情況底下當然要一探究竟🍚🥢坐低打開餐牌就見到有廚師介紹, 另外侍應姐姐介紹咗幾款出色嘅菜式...最後我哋揀咗：🐟黑蒜蒸龍躉頭腩：用豉汁黑蒜籠仔蒸，籠底放荷葉，上面放滿讚岐烏冬，吸哂D味好鬼正！🧂七味黃金豆腐粒：越簡單越難呢個道理...呢個廚房就真係做到真正外脆內軟而且加上七味粉更添惹味！🐖山楂柚子汁脆腩片：用山楂加埋柚子汁配上炸過嘅豬腩片，酸酸地好開胃！栗米魚肚羹：食得出魚肚應該係用雞湯入過味，下次嚟叫一窩先得😆😆