京林屋 (明宮閣) (Closed)

收工行咗陣太古城後，晚飯想搵特別少少嘅嘢食，於是搵到京林屋。此店以抹茶、焙茶及相關甜品作主打，亦有各款日式定食。環境乾淨企理，十分舒適。先來熱茶。葡萄煎茶離遠已聞到果香，焙茶朝薰口感清爽，老少皆宜。由正餐到甜品都有靚茶清清腸胃，非常爽。教埋你點沖。老婆叫嘅鯖魚定食，我試咗少少，鹹度恰到好處，好味。而我就叫咗京式鰻魚飯。鰻魚夠肥美，但個飯食落又唔溜喎，不愧係招牌菜。食完飯食，上甜品！焙茶芝士蛋糕，無論蛋糕定雪糕都有回甘茶味呢～林屋抹茶芭菲，睇個樣都覺得開心啦，原來抹茶雪糕球下面又有抹茶軟雪糕，雙重抹茶享受，好香好滑呀～又係開心嘅一餐，京都口味好嘢～