Video
Read full review
2020-11-05
579 views
大家係咪都好掛住日本🇯🇵，好想返鄉下呢？除咗大家都熟悉嘅關東日本，關西都有好多美食㗎，其中不得不提嘅一定就係京都串燒🍢啦！今日我地就嚟到位於蘭桂芳嘅京都一串，一邊飲酒食串燒，一邊想念下我地嘅家鄉💭....雞翼 Chicken Wings $38如果叫👩🏻排必食Top 3，依度嘅鹽燒雞翼一定排第一！師傅將雞翼燒得金黃香脆，再微微喺雞翼上面灑上鹽花，食起嚟外皮脆卜卜，但入面就超Juicy。而且食雞翼串燒嘅好處就係唔驚失禮，因為店家已經喺穿雞翼嘅時候，輕輕分開咗雞骨，所以輕輕一拉已經食到雞翼，咁就唔使驚食相唔好睇啦🤪！.免治雞肉棒 Chicken Minced Stick $36想啖啖肉，就一定要叫依個免治雞肉棒啦！淋上咗照燒汁既雞肉棒鹹鹹甜甜，仲有少少酒香，內裡又多肉汁，鬆化得嚟又有口感。Encore菜式之一👍🏻 ！.紫蘇葉雞皮蝦卷 Shrimp wrapped with chicken skin $56出面食串燒好少見到有雞皮蝦，先用雞皮包住隻蝦🦐，再拎去燒，雞皮表面燒得微焦，完全無油膩嘅感覺，配上入面經炭燒嘅大蝦，幾特別㗎！.牛舌 Beef Tongue $48👩🏻Top 3之一。牛舌
.
雞翼 Chicken Wings $38
如果叫👩🏻排必食Top 3，依度嘅鹽燒雞翼一定排第一！師傅將雞翼燒得金黃香脆，再微微喺雞翼上面灑上鹽花，食起嚟外皮脆卜卜，但入面就超Juicy。而且食雞翼串燒嘅好處就係唔驚失禮，因為店家已經喺穿雞翼嘅時候，輕輕分開咗雞骨，所以輕輕一拉已經食到雞翼，咁就唔使驚食相唔好睇啦🤪！
.
免治雞肉棒 Chicken Minced Stick $36
想啖啖肉，就一定要叫依個免治雞肉棒啦！淋上咗照燒汁既雞肉棒鹹鹹甜甜，仲有少少酒香，內裡又多肉汁，鬆化得嚟又有口感。Encore菜式之一👍🏻 ！
.
紫蘇葉雞皮蝦卷 Shrimp wrapped with chicken skin $56
出面食串燒好少見到有雞皮蝦，先用雞皮包住隻蝦🦐，再拎去燒，雞皮表面燒得微焦，完全無油膩嘅感覺，配上入面經炭燒嘅大蝦，幾特別㗎！
.
牛舌 Beef Tongue $48
👩🏻Top 3之一。牛舌切得好厚身，師傅只係簡單用咗鹽花調味，食得出係貴價牛舌，無任何牛膻味，有口感得嚟亦都唔會太韌。
.
汁燒豆腐 Bean Curd $28
睇落平平無奇，但食落有驚喜，外皮燒得好香脆，但入面又好嫩滑，外脆內軟，再配上表面嘅照燒汁同木魚絲，令我地諗起關西大阪燒同章魚小丸子啊！
.
燒鱈魚乾 Cod Fish Chips $48
送酒必食，鱈魚乾燒得脆卜卜，一條接一條，配酒食嘅話好快就會食晒。
.
紐西蘭羊架 Lamb Chop$78
我地叫咗五成熟，羊架同其他串燒一樣，即點即燒。羊架啖啖肉，啱啱好五成熟，鎖住晒d肉汁喺入面，一路食一路滴汁，好正。表面上有少少孜然粉，都只係為咗吊返羊味出嚟，食得出食材高質，唔需要用大量孜然粉掩蓋膻味。其實我地都唔好羊，驚會有羊膻味，但👩🏻食完依個反而覺得唔夠膻🤣。
.
明太子飯團 (可選明太子/鰻魚/三文魚/梅粒) Rice Ball (Cod Roe/Salmon/Ume/Eel) $38
本來以為係普通嘅飯團，原來係日式燒飯團。燒飯團搽咗醬汁好容易燶，搽得少又會唔夠味，但京都一串嘅燒飯團表面燒得好香脆，入面就包住明太子，味道剛剛好，我地仲想叫埋鰻魚味添呀。
.
鰻魚茶漬飯 (可選明太子/鰻魚/三文魚/梅粒) Chazuke (Cod Roe/Salmon/Ume/Eel) $48
另外就叫咗個茶漬飯，上面有兩塊鰻魚，試咗依個鰻魚茶漬飯之後，我地即刻叫埋個燒鰻魚。
.
燒鰻魚 Grilled Eel $58
鰻魚都係👩🏻Top3之一，因為鰻魚好肥美呀！之前食過紅磡某間出名嘅鰻魚飯，只覺得不過不失，但依度嘅鰻魚燒得外脆內軟，肉厚肥美，唔會過鹹，下次要搵日Lunch嚟試吓鰻魚定食！
.
蘆筍豚肉卷 Asparagus wrapped with pork $46
Encore菜式之一，豚肉表面都只用鹽花調味，燒得好香口，包住脆嫩嘅蘆筍，唔會有油膩嘅感覺。
.
日本廣島蠔 Hiroshima Oyster $46
本身以為會係大大隻嘅連殼燒蠔，原來係蠔串燒。裙邊燒得微焦，亦無落粉漿令佢變得香脆，蠔肉多汁，食落有口感，又唔會腥。
.
雞軟骨 Chicken Cartilage $32
依個又係Encore菜式之一，送酒食一流。
.
日本雞腎 Chicken Gizzard $34
雞腎同預期一樣，好味。
.
日本雞心 Chicken Heart $34
雞心屬於相當珍貴嘅部分，畢竟一隻雞都只有一顆心臟嘛。味道同雞腎有少許不同，質感比雞腎更有嚼勁。我地就偏好雞腎啦，但未試過雞心嘅話不妨試下。
.
位於旺區蘭桂坊，價格自然比其他地方貴啲，但用依個價錢食到日本嘅味道😍，性價比都幾高。服務都唔錯，仲有唔少打卡位，午市仲有做定食套餐，放工過嚟食飯或者Happy Hour都係唔錯嘅選擇。
.
對比其他Gimmick串燒店，我地似乎更偏好好似京都一串依類俾到地道風味我地嘅食肆，絕對可以一試再試。
.
Follow us on Instagram - Foodastics
雞翼
$38
11 views
0 likes
0 comments
免治雞肉棒
$36
18 views
0 likes
0 comments
紫蘇葉雞皮蝦卷
$56
13 views
0 likes
0 comments
牛舌
$48
9 views
0 likes
0 comments
汁燒豆腐
4 views
0 likes
0 comments
燒鱈魚乾
$48
14 views
0 likes
0 comments
紐西蘭羊架
$78
7 views
0 likes
0 comments
燒鰻魚
$58
16 views
0 likes
0 comments
明太子飯團
$38
7 views
0 likes
0 comments
蘆筍豚肉卷
$46
8 views
0 likes
0 comments
Post
