東京淺草炸雞專門店 (黃大仙中心南館)

Open Now

Now Closed

曾經人氣一時嘅 #東京淺草炸雞專門店，佢哋近呢一年嘅生意似乎靜咗好多，大家再唔使排長龍就已經可以食到🤪 呢日 #小秘書 見餐廳出咗個 #新口味 #親子丼定食，咁啱呢晚又冇住家飯食，一於入去試試啦。時間可能尚早，成間鋪都係只得兩枱客... 都好😅我可以食得放心D啦🥳 #定食 包括有 #炸雞 兩件、#湯 一電卜、同埋主角 #滑蛋雞肉飯🐣 個湯唔錯，不過兩件炸雞似乎炸起咗一段時間，唔夠熱、加上無咗幾款特式醬汁，味道硬係爭咗啲😅 至於個 #親子丼，雞肉都幾嫩滑，不過加埋個蛋漿，始終唔係幾夠味🧐 又無咗滑蛋juicy嘅感覺，成個定食冇咩驚喜，不過勝在價錢夠街坊🤪我始終覺得餐廳應該考慮改裝門口嘅座位，開放式仲要對住個電梯口，唔衛生之餘，俾人望住食嘢又尷尬，所以我見今日無咩人，可以匿埋一邊食食食🥢 先考慮佢。再者，佢哋啲服務員同一般嘅日本餐廳嘅職員好唔一樣... 大家都少咗份熱情同笑容，咁啱呢餐得我一個食自己，感覺就更加冷漠喇👉🏻👈🏻