東京淺草炸雞專門店 (黃大仙中心南館)

Open Now

Now Closed

          當日行過見到，同行提議食呢間，我見到有雞湯拉麵想食就話好          見個商場有啲UP DUP，間鋪又無咩客人，仲要係炸雞店叫拉麵，伏味濃，但我不到黃河心不死，都照試啦。香港地，拉麵隨便一碗90上百，佢69一碗，伏味又更濃了。點知來到係濃厚既雞湯拉麵，湯頭質地濃，香氣帶住明顯煎雞皮個類油香，完全無估到，本身諗住又味精拉麵。         既然係炸雞店，最後就連餐叫食埋佢既炸雞，又點知反而炸雞好一般，size不大，皮雖脆但肉不juicy乾柴......同其他評論完全相反。另外乳酸飲料太甜。         總括而言，性價比幾好，但炸雞店炸雞可以做好啲，唔好KFC食葡撻咁

今日在極肚餓的情況下試了一直想試的炸物店 因為這裡有我很喜歡吃的幼椰菜絲 椰菜絲配麻醬真係好夾 我見門口有很多食物模型都好吸引 價錢方面又超合理 所以都想試一試 餐廳是開放式的格局 沒有安裝大門 里面有多少食客一目了然 今日我在下午茶時段來到 餐廳都不是太多食客 只有一兩枱客 我可隨便找位置 我一個人坐了四人坐 位置都算舒適 我問職員有否下午茶餐 這間餐廳只有一個全日餐單 未有任何用餐經驗下我選擇了期間限定的大阪燒炸雞髀飯餐 包一碗麵豉湯 如果要額外飲品要加$8 我點了特飲 可以點餐都可以一個個買 因為非常肚餓 所以點了一個飯餐 白飯沒有飯素好失望 開始時以為日式飯大部分都有的 有些還有紫菜 麵豉湯料頭充足 味道滿意 椰菜絲份量足夠 再加上麻醬 更加滿意 但最失望嘅係佢哋的大阪燒雞髀肉 開始時見那麼深色 就覺得應該會好重口味 但原來只是炸得太過分嘅色 又硬又厚 雞髀肉超細 沒有味道的 原來冇醃過 那一刻才發覺原來那麼平價係有原因的 我加錢加咗特飲 味道都可以 八蚊一杯算合理 炸雞髀嘅沙律醬太少 如果唔係有椰菜絲真係要俾零分 希望店家改善 這個配料真心差 下次試些好評多啲嘅配料 相信會比

行過黃大仙，肚仔嘰咕叫，鏡頭唔走意捕捉到東京淺草專門店。望落條餐牌，矛盾咗好耐，最後都係揀咗麻辣雞鍋。搭！湯底麻麻哋辣辣哋，得個“勁”字形容咁滋味。啲雞槌一啖咬落去，肉質彈牙得滯，湯底入味，個人覺得好得令！😍喺度執筷一陣，親子丼都上嚟喇。雞肉滑蛋，應該好滑嘅，但飯就多咗啲水份，啲軟滯滯嘅口感我諗唔啱晒啱我。翻轉手，扒件炸雞嚟，啊這下子真係正！脆皮香口，雞味濃郁，一啖咬落去啫喱雞油流晒出嚟，入口嫩滑，心頭好满足。😋夜深咗，攞個他他醬雞扒便當，差啦少少就打烊。新鮮熱辣嘅扒上頭塗滿濃稠嘅他他醬，啲雞扒外脆內嫩，同白飯嘅抽合度一流，啖啖正到爆燈！椰菜絲埋個底，呢個$49便當真係食出味道共鳴，正喎！整體嚟講，下次還有得選，我一定會捧返場嘅，呢啲食物確實突出晒「平民美味」兩字，口袋唔使洗劫就食到手足嗰份開心。食罷落街，滿足感包住心臟直達家門口！👍🏻

我同兩個同事去左東京淺草個炸雞專門店食飯，我揀咗個芝士滑蛋炸雞丼，真係好正啊！個雞皮炸到超脆，入面仲好嫩好多汁，一啖落口即化。特別係加埋嗰層濃郁嘅芝士滑蛋，真係令人驚艷！芝士嘅香濃味道同滑蛋嘅軟滑口感，同炸雞完美結合，每一口都帶來極致嘅享受。真係嚟緊一定要試下呢款絕世好味嘅芝士滑蛋炸雞！最重要嘅係，價錢都好平啊！用咁價廉物美嘅價錢，食到咁好味嘅炸雞，真係超值！服務員都好好人，主動幫手加水，令我哋嘅用餐體驗更加愉快。總括而言，呢間炸雞店係一個價廉物美嘅選擇，大家一定要嚟試下！

山長水遠去黃大仙，探訪一位老校友， 之後就在附近找點吃的，見到這間「東京淺草炸雞專門店」覺得幾吸引，就入去食個lunch ~泡菜滑蛋炸雞丼 (跟味噌湯) : 大大碗飯 ,很足料 , 看來都幾吸引 , 炸雞有四大件 , 金黃香脆 , 而且非常厚肉，炸得熟透且雞肉依然滑嫩，跟泡菜都幾夾，的確是很惹味，略嫌滑蛋過火了些少，否則會更好 ~雖然滑蛋過了火，但味道上還算ok的 .... 做人呢，不要嫌三嫌四，開開心心，幾十蚊食個 lunch, 仲想點呀老友 ~本篇完 ~

呢日嚟開黃大仙做野，午餐就揀左呢間主打炸雞嘅專門店。親子丼 (6/10) +炸雞 (7.5/10)套餐 ($59): 親子丼賣相都幾頹，食落個味道同賣相都係一致地咁頹。雞肉有啲鞋，蛋雖然係半生熟，但係有啲位炒得過熟，有啲位又生到完全冇加熱，整體調味略淡。面豉湯入面有少量腐皮同昆布，味道就冇特別。跟餐嘅炸雞係雞脾肉，雖然炸粉略厚，但仍然香脆可口，同埋入面嘅雞肉都係juicy嫩滑嘅。我諗呢間除左炸雞都唔使再試其他。

夜晚收工自己一個人喺黃大仙商場行，無啦啦就諗起呢間喺正電梯前面嘅餐廳。夜晚職員比較少，等候入座同埋單都需要耐心等候幾分鐘。今次我叫左親子炸雞丼，麵豉湯一般冇咩特別驚喜，我覺得滑蛋雞肉丼入面嘅飯係超級多水份同軟，我完全唔鍾意種質感😂😂😂但係反而炸雞對我來講，就真係幾有驚喜。因為真係新鮮滾熱辣炸完就即刻拎出黎，炸粉唔厚，但係同時又好脆香，咬咗一啖啲雞油已經流出黎，雞肉又嫩。如果經過黃大仙，而又想食炸雞，就真係要黎呢間食炸雞丼！！同埋仲有最後一樣嘢，我真係好唔鍾意佢對木筷子！！因為分開完對筷子，結果唔係兩條長方形嘅筷子，係不規則嘅筷子，同埋啲木刺飛曬出黎又整唔走，誠心建議間餐廳換啲好少少既餐具！

行街行到攰見有啲肚餓就入咗嚟呢間東京淺草炸雞專門店估唔到都有驚喜鋪面好整齊夠晒光下午茶時間等咗一陣就有位滑蛋雞扒丼 $49好難得咁大塊扒出面咁香脆但入面一啲都唔乾咬落去仲有啲肉汁個飯底加埋滑蛋又唔會太鹹仲要有埋碗麵豉湯咁嘅價錢邊度搵親子丼定食 $59貴少少但有兩種食法烚嫩雞肉再加香脆雞肶肉份量一啲都唔少味道都係好好今餐幾有驚喜 雖然食炸雞唔太健康仲有啲熱氣但係呢間餐廳個性價比真係唔差唔介意再食最多食佢啲海南雞或者烚肉值得推薦

在黃大仙的這間日式炸雞專門店，是出名吃唐揚定食 (Japanese fried chicken set meal) 的專門店，這次點了： ~ KARAYAMA 定食 (KARAYAMA set meal) ~ 香炸雞翼和香脆雞髀肉定食 (Japanese fried chicken wings and chicken thighs set meal) 配以三款美味的醬汁，同一碟唐揚可以有不同口味的醬汁選擇，真是細心呢🥰 另外，還可加配乳酸飲品，這次選了白桃乳酸 (Peach Calpis)，非常可口喔😋🍗🍹

💙東京淺草炸雞專門店💙🔹芝士滑蛋炸雞丼 $59都好heavy，幾飽吓😂 但喺喺滿滿嘅芝士，芝士控可以揀呢個。 炸雞肉質嫩，好juicy。飯量正常。 正常女仔應該唔可以食哂一個。🔹親子丼定食拼香脆雞肶肉2件 $59雞脾肉好juicy，啖啖肉，完全冇骨，外面脆，唔硬，好食。 親子丼其實就係雞粒滑蛋飯，幾好食，而且配搭好似冇咁熱氣咁😂 份量幾多，不過身為大食嘅小編當然食哂🙈🔹雞軟骨 $36炸得酥脆，juicy。份量多。好食。

The seaweed soy sauce fried chicken is sooooo gooooodd! The set price is so worth it! This is so under rated and I highly recommend this place! This is so much better than so many expensive restaurant! The chicken was juicy and freshly fried! The rice potion is definitely enough for male. The soup was ok you can tell it is instant, but with this price I got nothing to complain about. I just wish this restaurant can open in more easy assess location like Mong Kok or TST!

已經開咗一段時間，由啱啱開張嗰陣已經想食但係一直都冇去到。咁啱呢日去開嗰邊咁就試吓呢個炸雞，可能因為撞正放工時間咁等外賣嘅人就比較多，但啲外賣都差唔多15分鐘左右。 睇Menu其實唔係有好多種類， 但係都會有分套餐或者係單點嘅。☀️ 7號便當+雞翼咁就叫咗呢個7號便當咁就係炸雞飯，炸雞就有四舊，炸雞嘅份量都幾大嚿算係幾正常價錢。 啲飯幾好食因為佢係用日本米，識落嘅感覺真係有日本嘅感覺都唔係好知點形容😂，食落去嘅感覺係同平時嘅唔一樣，就係有種米飯香～雞翼 就係另外單叫嘅一隻$9 ，咁就係炸雞翼～

拜年前打算食個下午茶 醫一醫肚 食少少🤏🏻Order左個醬油雞髀肉定食 $63諗住呢度黃大仙商場 街坊地方 炸雞價錢算偏低都唔抱太大期望 食得飽 味道正常就收貨🙊定食包左一碗白飯, 一碗麵鼓湯, 4件醬油雞髀肉☺️嗱~ 望落你會覺得個量少 但食落係真係會飽到食唔哂🥲 由於男朋友個餐未到 想等齊先食 所以啲炸雞都攤左10分鐘左右先食~ 飲左麵鼓湯先啦~味道偏淡 似用水溝開咁, 不過呢個價錢黎講 唔好要求唔多😹 但係都係正常味黎嫁~等齊野食喇🤩食下舊雞先賣相係唔錯既 但最怕係得個色水 舊雞髀肉冇味不過唔洗怕! 原來! 有驚喜!舊雞攤左10分鐘 咬落個皮仲好脆卜卜😹chop chop聲嫁~ 而家食落真係好香醬油味 肉質都算嫩滑. 唔會話炸完就變左柴皮.整體黎講呢個價錢 食倒4大舊有水準既炸雞連白飯+湯係好高CP值嫁喇🤩

算是以連鎖食肆來說, 表現得最好的炸雞塊之一. Karayama來自東京, 除了東京外東南亞及美國也有分店, 香脆炸物人人都喜歡, 這裏的炸物以炸雞為主, 用上雞脾肉除了更有啖啖肉的口感外, 肉汁也更豐盈, 也不會有雞胸肉的韌性. 雞塊大小適中, 外西炸皮夠脆夠薄, 同時能夠完整地包圍著雞脾肉, 不會一咬即離, 外表乾身, 既沒有油浸感, 更沒有油膱味, 就算沒有任何醬汁, 只嚐原味也相當不錯.套餐有三件炸雞脾肉以及一碗雞白湯拉麵, 價錢不算便宜但份量十足, 雞白湯拉麵的配料不是叉燒, 而是雞扒, 水準不能和座銀等媲美, 就是很飽, 味道很罐頭, 相比起炸雞失色不少, 還是集中吃炸雞就行.

這間店係黃大仙都生存咗好耐，記得好多年前食過，可是已忘記了味道。今日舊地重遊，食完只能説是不過不失。外皮是炸得幾脆和煙韌，而肉質和味道只係普通。Karayama定食份量足，雞翼和雞髀各有兩件，沙律（椰菜絲）新鮮爽口，味噌湯也好飲。超值炸雞套餐有三件雞髀加少少薯條，計起來即是薯條只收你3蚊，都算超值的。最重要是薯條炸得好食。定食＄55，炸雞套餐＄39，本來都抵食，但原來要加一就覺得唔係咁抵了。另外加＄8有乳酸飲品。