Video
Read full review
2020-08-29
541 views
魚肉高蛋白質又低卡，常常係我嘅減肥戰友！😝 最近炮台山開咗間主打魚品輕食嘅小店「魚事者」！可以試勻多款由魚肉打造嘅創意料理！價錢仲要勁親民！簡直係一眾fish lover嘅福音！😍👩🏻🍳呢度嘅魚品輕食，主要以港式風味為基礎，再加入車仔麵、街頭小食及西式Fusion菜等元素，令大家有親切感得嚟又不失驚喜。▲老闆Hyvan因愛食魚，所以決心開一間主賣魚品嘅店子。造訪當日，店家仍在試業中，老闆Hyvan亦剛好在場～然後我當然借啲2同佢吹下水！估唔到呢位咁後生嘅老闆，原來自小對魚品已深深著迷！成日魚蛋當正餐咁食！後來，佢去咗美國留學，因為太耐無食到高質魚品，所以萌生想將來開魚肉食店嘅諗法。「自己開檔，想幾時食魚蛋都得啦！」基於呢個理由，就聯同Partner開咗魚事者。😝不過，魚事者賣嘅輕食當然唔係傳統嘅魚蛋粉，而係利用魚肉，製作唔同嘅Fusion料理～老闆Hyvan及佢嘅廚師團隊，每日會係漁市場入貨，以多款新鮮海魚打造菜餚，好似𩶘魚、九棍、紅衫、門鱔及剝皮大眼魚等等。因深海魚運動量大、深海又壓力大，肉質份外紮實，所以做出嚟嘅魚品，更具「白」、「彈」、「鮮」三大美味元素。（由於試咗好
最近炮台山開咗間主打魚品輕食嘅小店「魚事者」！可以試勻多款由魚肉打造嘅創意料理！價錢仲要勁親民！簡直係一眾fish lover嘅福音！😍👩🏻🍳
呢度嘅魚品輕食，主要以港式風味為基礎，再加入車仔麵、街頭小食及西式Fusion菜等元素，令大家有親切感得嚟又不失驚喜。▲老闆Hyvan因愛食魚，所以決心開一間主賣魚品嘅店子。
造訪當日，店家仍在試業中，老闆Hyvan亦剛好在場～然後我當然借啲2同佢吹下水！估唔到呢位咁後生嘅老闆，原來自小對魚品已深深著迷！成日魚蛋當正餐咁食！後來，佢去咗美國留學，因為太耐無食到高質魚品，所以萌生想將來開魚肉食店嘅諗法。
「自己開檔，想幾時食魚蛋都得啦！」基於呢個理由，就聯同Partner開咗魚事者。😝
不過，魚事者賣嘅輕食當然唔係傳統嘅魚蛋粉，而係利用魚肉，製作唔同嘅Fusion料理～
老闆Hyvan及佢嘅廚師團隊，每日會係漁市場入貨，以多款新鮮海魚打造菜餚，好似𩶘魚、九棍、紅衫、門鱔及剝皮大眼魚等等。因深海魚運動量大、深海又壓力大，肉質份外紮實，所以做出嚟嘅魚品，更具「白」、「彈」、「鮮」三大美味元素。
（由於試咗好多款食物，今次同樣地簡介幾款我最推薦嘅菜式。）
扮墨西哥魚皮
$33
23 views
0 likes
0 comments
Guacamole 係墨西哥嘅美食，店家就將Guacamole中嘅薯片轉為炸魚皮！雖然邪惡咗，但美味度亦大大升級！😍魚皮更脆薄，油脂更豐盛，帶有濃濃魚開，要加上清爽嘅牛油果莎莎醬，真係超開胃！推薦！
炸魚狗腸
$28
37 views
0 likes
0 comments
✦炸魚狗腸 豬肉做嘅熱狗常常食，但用魚肉整熱狗都係第一次試！咬開時魚肉勁彈牙，芥末醬又勁惹味，連同香脆嘅「魚粒莎莎（炸魚肉粒）」及煙肉一齊食，口感好豐富。
炸魚無薯條
$28
58 views
0 likes
0 comments
✦炸魚無薯條呢款小食完全無薯仔成份，入面嘅條狀物由深海魚肉製成。老闆話每條「薯條」約7cm長，因呢個長度可令人有咬口，又不於覺得膩。另外，呢度小菜可以揀松露醬及雙子醬（明太子＋蟹子），邊食邊沾醬，成件事幾正。
川式-麻辣鴨絲魚麵撈
$53
45 views
0 likes
0 comments
呢款魚麵撈真心好正，添加花椒及辣油加馳，麻辣又惹味。令我驚喜係個魚麵，我第一次食到咁幼嘅魚麵（同意粉差不多粗），彈牙得嚟魚鮮味濃！加上拌碟嘅鴨絲、蔥絲、辣椒絲及青瓜絲，有啲北京填鴨feel，但味道又意外地襯，非常抵讚！
牛魚氏火腿
$48
34 views
0 likes
0 comments
唔食得辣，可以揀呢款清湯魚麵。呢款小食最得意係上面有4片分別由牛肉及魚肉做成嘅火腿！我都係第一次試到用呢2種肉做嘅火腿！好特別！至於味道，我覺得牛火腿就同普通火腿差不多；魚火腿就好彈牙，似易咬版嘅墨魚肉，同埋魚鮮味濃啲，不錯。
泰式-蝦頭油炸蝦球魚麵撈
$63
87 views
0 likes
0 comments
第一次食魚麵撈，味道比想像中正！蝦頭油好鮮甜，微辣口感，再加青擰汁，有啲似泰式炒金邊粉嘅味，只是金邊粉換成了魚麵。不過，個人覺得魚麵彈牙又粗身，口感更好！至於炸蝦球就正常發揮，略嫌炸皮有啲厚。
黃金魚彈彈
$53
78 views
1 likes
0 comments
呢款湯麵，上面嘅魚型魚蛋，同我哋食開嘅炸魚蛋差唔多，但佢夾心係芝士，味道好Creamy，幾好。至於巨型魚蛋，感覺同長洲巨型魚蛋味道一樣，但個肉質更實淨，整體味道都幾好。
港式多士三併配黑松露醬
$33
64 views
0 likes
0 comments
呢3款多士上，分別有魚、蝦及墨魚口味，炸得好香口，邊食邊點黑松露醬，成件事邪惡爆燈！其中，我最愛墨魚多士，魚滑好彈牙，口感好好。
▲補充返魚事者嘅門面，其實就咁打卡都唔錯。
▲店內最搶眼莫過於係呢個魚袋霓虹燈。
▲店子不大，但坐得幾舒服。
▲呢個幾何圖案地版，同埋格子牆，細節滿滿～
▲店家用QR Code點餐，order完就去櫃台比錢，都幾先進。
▲連飲品都用啤酒機儲存，確保出嚟嘅飲品唔洗落冰都夠福！
▲唔好以為輕食即要配可樂咁無益！呢度特飲品主要以梳肝花茶系列為主，解膩排毒一流！
Post
