必食站

Open Now

Now Closed

今日同三個朋友去黃大仙玩，其中一個住黃大仙既朋友帶左我地黎必食站食野，朋友轉左新老闆幾好。一去到已經見到有幾個客人落緊單，好熱鬧。見到餐牌滿滿既餸菜款式，已經努吸引好想試，而且價錢都超親民，老闆娘好nice，好親切幫我哋落單。我哋叫左腸粉三寶（有腸粉、魚蛋、燒賣），生菜魚肉，撈麵，炸雞塊，炸花支丸，炸雞軟骨，碗仔翅，雞肉腸仔，粢飯。全部都真係好好食，最驚喜係生菜魚肉，因為平時我係唔食魚肉，我覺得好腥同有碎骨，但呢度既魚肉一啲魚腥味都無同埋無碎骨，對我係一流🤩另外燒賣都好好食，唔會咬落去一舊粉/好軟，係彈牙同埋有魚肉味，好食😋碗仔翅超級足料好正😎雞扒同雞軟骨都唔錯，原來係老闆自己醃，不過食多幾舊就有啲咸，有同老闆反映左，如果食開濃味既朋友會覺得好野味。而且價錢真係超親民，性價比高，我哋四個女仔食咁多都係$170，而且係食到超飽。下次會到黎食其他野！仲想試車仔麵同雲吞🤩