Video
Read full review
2024-06-13
2394 views
今日咁岩黎到圓方買野，之後當然要黎搵食，咁最後就揀左西班牙餐廳Rico Rico，望落環境幾舒適，同埋都算多選擇，而且價錢都算親民。<香辣雞翼>香辣雞翼都幾惹味，個醬似水牛城醬，但無咁辣，都算係幾開胃的醬汁。另外份量比預期多，正常呢個格局的環境，有4隻雞翼都已經算合理，但呢度總共居然有6隻，仲要包埋雞翼尖，其實都算喜出望外。<白毛豬肉西班牙薄餅>白毛豬肉西班牙薄餅，將西班牙火腿配上火箭菜及芝士，簡單得黎味道層次都足夠，同時唔會覺得好Heavy。另外薄餅餅底係Hand made，熱辣辣得黎又夠鬆脆，食得出所用的麵粉材料應該都唔錯。<燒焗法國黃油穀飼雞>首先雞皮燒得夠香脆，使用法國黃油雞，雞味好濃郁。不過最大驚喜都係個Cream Sauce，鹹鹹甜甜夠晒香口，極到邪惡，配上雞肉真係夠惹味。同埋可以配埋啲菌菇一齊食，非常滋味。
<香辣雞翼>
香辣雞翼都幾惹味，個醬似水牛城醬，但無咁辣，都算係幾開胃的醬汁。另外份量比預期多，正常呢個格局的環境，有4隻雞翼都已經算合理，但呢度總共居然有6隻，仲要包埋雞翼尖，其實都算喜出望外。
<白毛豬肉西班牙薄餅>
白毛豬肉西班牙薄餅，將西班牙火腿配上火箭菜及芝士，簡單得黎味道層次都足夠，同時唔會覺得好Heavy。另外薄餅餅底係Hand made，熱辣辣得黎又夠鬆脆，食得出所用的麵粉材料應該都唔錯。
<燒焗法國黃油穀飼雞>
首先雞皮燒得夠香脆，使用法國黃油雞，雞味好濃郁。不過最大驚喜都係個Cream Sauce，鹹鹹甜甜夠晒香口，極到邪惡，配上雞肉真係夠惹味。同埋可以配埋啲菌菇一齊食，非常滋味。
Post
