媽咪隨意屋 (Closed)

經過元州商場見到依間媽咪隨意屋，本身以為係食住家飯，點知原來係泰式餐廳，見到餐牌幾吸引，又有唔少人等外賣，依是黎到依到食番餐。餐廳位於商場嘅open area，陽光充沛，非常舒適~首先點咗主食 泰式牛肉金邊粉 配冬陰公湯($43)，最令我驚喜嘅係個湯底，香味濃厚，酸酸甜甜，係用咗香芽同其他香料熬制而成，仲有蕃茄同菇類，非常開胃，飲哂成碗都得！配料有肥牛同埋牛丸，而金邊粉亦都十分爽滑，成碗麵只係需要$40可以話非常抵。串燒司華力腸(套餐+$10)，竟然係一整條，非常猛料，焦脆嘅外皮包住軟實嘅肉，配上泰式辣醬之後惹味十足。菠蘿蝶豆花(套餐+$11)，蝶豆花營養價值豐富，因為係藍色所以製作出黎嘅飲品都有種魔幻嘅感覺，依杯蝶豆花一層藍色一層黃色，打卡一流，仲可以飲得健康！