新羅寶韓國餐廳

Open Now

Now Closed

忽然癮起想食唔係韓燒既韓國菜，經過美麗華就來左 lee 間試下。唔試由自可，一試把鬼火中伏既就係佢啦，人參雞湯。我去食韓國菜通常都會點來食，一般都唔會做得好差。Lee 間成功挑戰到我底線：隻雞又老又柴唔在講，最難頂係個湯好似溝左熱水咁淡過鬼，唔好話參味雞味，我差D紅棗味都飲唔出 Orz唉。又公道D，其實除左個人參雞之外既野都唔錯既：個泡菜煎餅就幾好，個邊脆個心軟，泡菜味唔會遮左個餅本分既麵香，食落仲有種蔥油餅既香氣，幾特別。朋友同我都覺得煎餅個汁點左反而過咸，唔點就咁食已經好夠味了。拌冷蕎麥麵啱曬夏天，入口好爽仲有大量既蔬菜。夏天個人熱到無乜胃口個時真係救星。個汁食個下唔多辣，但係慢慢會有道嗆勁反攻上喉，小人怕辣覺得有點辛苦，但係不損佢整體俾我既好感。食韓國菜最開心就係有好多前菜食，lee 度每樣都整得唔錯，好開胃。整體而言，我點既大部分野食都係好食既，不過就係因為咁個人參雞俾我反差感好大。環境好寬敞，服務都好好，可以見到有韓國人都來食。不過當然價錢唔會相宜，佢既食物又唔係話好食到點，性價比就一般般啦。