Plato Cafe & Bistro (裕民坊YM²)

依間plato係一間抵食西餐廳，位於裕民坊3樓天台花園。叫咗個精選二人餐都包咗好多嘢食😋，好豐富。今日嘅餐湯係蕃茄湯🍅，蕃茄味道濃郁，飲落好Creamy。酸酸甜甜嘅味道，飲落好開胃✨。 前菜揀左酸忌廉煙肉薯條，有配酸忌廉醬同茄汁，薯條上邊有啲煙肉碎🥓，夾埋啲煙肉一齊食鹹鹹地更惹味，酸忌廉醬好重忌廉味，點薯條食消除咗個油膩感🍟。波士頓龍蝦龍蝦汁意大利飯🦞，賣相好吸引，大大隻龍蝦下面嘅risotto吸收晒龍蝦嘅精華🥘，食落係好濃郁嘅龍蝦味，龍蝦肉亦都好彈牙。主菜係澳洲肉眼牛扒🥩，超大塊牛扒勁厚，加埋啲沙律做配菜好大份。牛扒好易切，牛味好香濃，肉汁好多好juicy💧，口感好厚實，啖啖肉嘅感覺好滿足！最後嘅甜品係芝士蛋糕🍰同另外加錢叫咗個原味麻糬提拉米蘇。提拉米蘇好出色，口感好細膩飽滿🥄，味道香濃，去買麻糬嘅煙煙韌韌同埋上面嘅脆脆加埋一齊食☕️，令口感更豐富。