Video
Read full review
2011-04-09
6 views
天氣凍, 唔係打邊爐就係食煲仔飯, 咁啱出開油麻地, 就順便食埋煲仔飯先番屋企................當晚未夠六點半, 原本想去果間已經排咗成十個八個人, 所以轉嚟呢間食, 但都已經坐到八九成滿, 好彩2個人仲有位坐................地方已經唔係闊, 個個又着到肥嘟嘟, 坐低之後都唔可以周圍郁, 想睇食乜都係周圍望下人食緊乜, 又或者睇下貼住果d推介.................仲要果陣時係差不多個個都啱啱坐低, 成間舖大約有三十幾人, 但只得1個亞姐招呼, 我地一見到亞姐即刻叫住佢落單, 如果唔係都唔知要等幾耐??? 坐對面枱果對夫婦, 嚟咗煲仔飯, 但追極亞姐都未拎用具比佢地, 等到d飯都暖哂, 先有另1個亞姐開始分用具, 問亞姐拎水, 拎到食完飯都未拎嚟..............好彩我地自己有帶水, 可以用嚟沖一沖d用具...............終於等到成間舖的食客落哂單, 然後亞姐開始分汽水, 開住幾支可樂問邊個叫咗, 如果你唔出聲, 佢係唔會記得邊個叫咗d乜lor~~~等咗超過十分鐘, 終於嚟鳯爪排骨飯, 但個煲蓋上有一pat透明杰杰地的物體
地方已經唔係闊, 個個又着到肥嘟嘟, 坐低之後都唔可以周圍郁, 想睇食乜都係周圍望下人食緊乜, 又或者睇下貼住果d推介.................仲要果陣時係差不多個個都啱啱坐低, 成間舖大約有三十幾人, 但只得1個亞姐招呼, 我地一見到亞姐即刻叫住佢落單, 如果唔係都唔知要等幾耐???
坐對面枱果對夫婦, 嚟咗煲仔飯, 但追極亞姐都未拎用具比佢地, 等到d飯都暖哂, 先有另1個亞姐開始分用具, 問亞姐拎水, 拎到食完飯都未拎嚟..............好彩我地自己有帶水, 可以用嚟沖一沖d用具...............
終於等到成間舖的食客落哂單, 然後亞姐開始分汽水, 開住幾支可樂問邊個叫咗, 如果你唔出聲, 佢係唔會記得邊個叫咗d乜lor~~~
等咗超過十分鐘, 終於嚟鳯爪排骨飯, 但個煲蓋上有一pat透明杰杰地的物體, 好核突, 完全唔知係乜, 即刻飯都唔焗就拎開個蓋, 再挑走懷疑掂到果pat嘢d飯走, 真係好dirty................ 唔知係咪冇焗過個飯, 所以一d飯焦都冇, 完全似响飯煲煲出來..............飯的份量唔算少, 但係餸的份量就唔夠lor~~ 得唔知半隻定1隻鳯爪, 加多5-6粒排骨仔..............
食咗差不多半個飯, 以為嚟第二個飯啦~~ 點知亞姐比錯第個餸我地, 我地話唔係, 佢話咪係lor, 死都話冇錯, 明明果煲係排骨飯, 而我地係叫豬軟骨飯, 冇理由貴咁多, 但都係果d排骨呀?? 跟住問其他枱, 咁啱有人要, 所以亞姐冇再煩我地...............但我地個飯唔知去咗邊???
到成間舖d飯出得八八九九, 又到另一個亞姐嚟收錢, 我心諗我煲飯都未到, 你咁快收我錢?? 我一定唔會比lor~~ 但收到我地果陣, 我話未齊飯, 佢即刻走去門口拎煲飯入嚟, 今次又啱冇錯, 但好奇怪點解要收錢先上埋呢煲飯比我呢??
第二煲係豬軟骨飯, 雖然豬軟骨冇炆果d咁林, d軟骨仲未變透明, 但都好易咬到, 而且都有少少味, 好過次次都係食排骨飯咁悶丫, 今次有焗過個飯, 所以食到尾果陣終於發現到有少少飯焦.............
其實都唔明點解未到七點已經排哂長龍, 又唔係真係好好食, 又坐得唔舒服, 只係價錢方面比茶餐廳平, 所以吸引到咁多人??
Post